गलातियों 4:3 - बारेली पावरी

³ तोसोत आमु बी, जेतार पुऱ्या होता ती जोगोन पेहेली शिक्षान ताबाम रोयीण गुलाम बोनला होता.

गलातियों 4:3 Referans Kwoze

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

गलातियों 4:9

बाकीन हिमी जो तुमु परमेश्वर काजे उवखी लेदू तेत्यार परमेश्वर तुमु काजे उवखसे, तेत्यार तिना कमजुर एने बिना कामोन एने शिक्षान वाते कोऱ्या एने काहा कोरतेला, जिनान तुमु दुय कावार दास होयने मोर्जी कोरतेला.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

गलातियों 4:31

इनान कोरता हे भाशो, आपनु नोकरानिन नी बाकीन बायराण पुऱ्या छे.

प्रेषित 15:10

आखरी चेलान खांदा पोर ओसो जुवळो मेकु, जीनाक नि आमरा डाहला पुढारी चूट सोक्या एने नि आमु चूट सोकजे, ती हिमी काहा परमेश्वरोन पारोख लेणे बाज रोया.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

योहान 8:31

तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

इब्रानियो 7:16

जू डीलोन नियमोन आग्यान अनसारे नी बाकीन नाश नि होयने वावान जीवनोन ताकत अनसारे नेवळाय गोयलु छे.

गलातियों 4:25

एने हागार जोसी अरब सिनाय बोयळू छे, एने ची हिमीन हिमी यरुशलेमेन जूळीन छे ची आपना पुऱ्या पारी साते गुलाम गिरीमा छे.

गलातियों 3:19

तेत्यार नियम शास्त्र का रोयी? चू ते गुणान वोजोहसी ओवते आपायलो कि तिनी पीढीन आवने तोक रोये जीनाक वायदू आपायलो होतो, एने चू सोरग दूतोन लारे एक अगवान हाते ठेराय गोयो.

मत्ती 11:28

हे आखा मेहनत कोरणे वावा एने भारोसी दाबायला माणसे, मारेनचा आवू; मे तुमु काजे आराम आपीस.

रोमी 7:14

आमु काजे मालूम छे कि शास्त्रनियम ते आत्मिक छे, बाकीन मे डीलोन एने पापोन हाते वेचायलू छे.

2 कुरीन्थियो 11:20

काहाकि जेतार तुमुक कुदू पावोर बोनाव लेये नीती खाय जाय, नीती फोसाळ देये नीती खुदो काजे मोटू सोमजे नीती तुमरा मुयो पोर थापुळ देये, ती तुमु सोह लेतला.

गलातियों 4:2

बाकीन बासोन ठेरावला टेमे तोक राखवाव्या एने कारभारीण हातोमा रोयतलु छे.

गलातियों 4:8

पेहेले ते तुमु परमेश्वर काजे नी उवखीन तिंदरा दास होता जे स्वभावोमा परमेश्वर नी होय,

गलातियों 4:24

इनी वातोमा दाखलू छे ये बायरा जोसा दुय वायदा छे एक ते सिनाय बोयळा पोर गोथो जेरेसी गुलामुत पोयदा होयता होता एने ची हागार छे.

इब्रानियो 5:12

तुमु काजे हिमी तोक एने परमेश्वरोन ते मास्तर होय जानो होतो, ते बी यो गोरोजोन होय गोयली छे कि कुदू तुमु काजे एने परमेश्वरोन वचनोन आदी शिक्षा सिकाळ सोके. तुमु ते ओसा होय गोया कि तुमु काजे खाणान नी बाकीन दुदोन गोरोज छे.