गलातियों 3:14 - बारेली पावरी

¹⁴ यो इनान कोरता होयो, कि अब्राहामन आशिष मसिह येसुमा दिसरा जाती तोक पुगे एने आमरा भुरसान लारे चू आत्मा काजे स्वीकार कोरे जेरी वायदू होयली छे.

गलातियों 3:14 Referans Kwoze

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

इफिसीयो 2:18

काहाकि तिनान लारे आमु दुयू एक आत्मामा बासोनचा पुगाळतलो.

गलातियों 3:2

मे तुमरे जुव गोथू यो जाननेन कोर रोयू, कि तुमु आत्मा काजे काय, नियम शास्त्रान कामोमा गोथू नीती भुरसान वारली खोबरसी जोळ्यू.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

योहान 7:39

चू यो वचन पवित्र आत्मान बारामा कोयू, जीनाक तेरे पोर भुरसू कोरणे वावा लेनेपोर होता; काहाकि आत्मा हिमी तोक नि उतरलू होतु, काहाकि येसु हिमी तोक आपना महिमा काजे नि पुगलू होतु.

इफिसीयो 4:30

परमेश्वरोन पवित्र आत्मा काजे दुखी मा कोरु जीनासी तुमरे पोर छुटकारान कोरता आत्मान छापू देदलु छे.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 2:22

जीनामा तुमु बी आत्मान लारे परमेश्वरोन रोयनेन जागा कोसा एखठा बोनावला होता.

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

गलातियों 3:16

आखरी, वायदू अब्राहाम काजे एने पिढी काजे आपाय गयो, एने चू असो नि कहतलू कि पिढी काजे जोसा घोना सोवटान बारामा कोयलु छे “जोसू एकान बारामा कि तारा पिढी काजे एने मसिह छे.”

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

प्रेषित 5:32

इनी वातोन गोवा छे तोसोत पवित्र आत्मा बी जीनाक परमेश्वर तीनुक आपलु छे जे तेरी आग्या मानतला छे.

प्रेषित 4:12

काहनास दिसरान लारे छुटकारू नी होय काहाकि सोरगोन तोवे एने माणसोमा दिसरो नाव नी आपायलो छे जिनान लारे आमुक छुटकारू जोळे.

लुका 24:49

एने देखू, जेबी वायदू मारू बास कोरलु छे, मे तीना काजे तुमरे पोर उतारीस एने जेतार तोक सोरगोमा गोथो ताकत नि जोळे, तेत्यार तोक तुमु इना सोहोरोमा रोय रोयू.”

लुका 11:13

आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.