गलातियों 2:9 - बारेली पावरी

⁹ एने जेतार चे इना दयासी जो मेसेक जोळलो होतो, सोमजी गोयू, ती याकुब एने कैफा, एने योहान जे मंडवीन खांबा सोमजता होता, मेसेक एने बरनाबास काजे संगतीन जेवळ्या हात मेवाळयु कि आमु दिसरा जातीन माणसोमा जाय, एने चे सुंता कोरलानचा;

गलातियों 2:9 Referans Kwoze

रोमी 12:3

काहाकि तिना दयान वजेसी मेसेक जोळलो छे, तुमरे माईन होर एक जोना काजे कोयो कि जोसो सोमजनो जुवे तिनासी बोढीन कुदू बी खुदो काजे नि सोमजनो जुवे; बाकीन जोसू परमेश्वर होर एक भुरसान परिणामन अनसारे वाट देदलु छे, तोसुत वारला दिमाक साते आपनु काजे सोमजू.

प्रकाशित वाक्य 3:12

“जो जय हासील कोरे हीनाक मे मारा परमेश्वरोन मंदीरमा एक खांबु बोनावीस, एने पोछु कोबी बारथे नी निकवे; एने मे मारा परमेश्वरोन नाव एने मारा परमेश्वरोन नोगोर मतलब नोवलो यरुशलेमोन नाव, जो मारा परमेश्वर जू गोथो सोरग गोथो उतरणे वावो छे एने मारो नोवलो नाव तिना पोर लिखीस.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

कुलुस्सि 1:29

इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.

इफिसीयो 2:20

एने प्रेषितोन एने भविष्य कोरतान पायो पोर जिनान कुपरान दोगळू येसु मसिह खुद छे, बोनाव गोयलो छे.

2 कुरीन्थियो 8:4

एने इना दानमा मे एने चुखला माणसोन सेवामा भागीदार होयनेन दयान बारामा आमु काजे घोळी-घोळी जुदी विनता कोऱ्या.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

रोमी 15:15

ते बी का-का फोम देवाळणे कोरीन तुमुक जुदो हिंमत कोरीन लिखलू छे यो तिना दयान वजेसी होयो जो परमेश्वर मेसे काजे आपलु छे.

प्रेषित 15:13

जेतार चे हुगा होय गोया तेतार याकुब कोयने बाज गोयू, “भाशो मारी सोमवू”.

प्रेषित 15:7

आखो झोगळू होय गोयो तेत्यार पतरस उबरोयीन तीनु काजे कोयू “हे भाशो, तुमुक मालूम छे घोणा सोवटा दाहळा होया, परमेश्वर तुमरेमा गोथू नेवाळलु छे कि मारा मुयोसी दिसरा जातीन माणसे वारली खोबर सोमवे एने भुरसू कोरे.

प्रेषित 4:36

युसूफ नावोन, साइप्रसोन एक लेवी होतु जेरो नाव जे प्रेषित होता बरनाबास (मतलब शांतीन पुऱ्यु) मेकला होता.

मत्ती 16:18

एने मे बी तुसेक कोयो कि तू पतरस छे, एने इना दोगळा पोर आपनी मंडवी बांधीस, एने अधोलोकोन झोपला तेरे पोर हावी नि होये.

लुका 22:8

येसु पतरस एने योहान काजे यो कोयीन मूकल्यु “जाईन आमरे खाणेन कोरीन तीहीवारोन तोयारी कोरु.”

योहान 1:42

चू तीनुक येसुनचा लाव्यू येसु तेरे भूनी भावीन कोयू, “तू योहानोन पुऱ्यु शिमोन छे तू कैफा मतलब पतरस कोवायीस.”

प्रेषित 12:17

बाकीन चू तीनु काजे हुगा रोयनेन हात वारू कोरीन देखाळ्यू प्रभून काहनास रितीसी मेसेक बंदी वाळामा गोथू बारथे निकव्यू, एने चू कोयू याकुब एने भाशो काजे जी वात कोय देजु “तेत्यार चू चा गोथू निकवीन दिसरे जागे जात रोयू.

2 कुरीन्थियो 11:5

मे ते सोमोजतलु कि मे काहणी वातोमा मोटला प्रेषितमा गोथू कोम नी होय.

2 कुरीन्थियो 12:11

मे बिन ओकल्यु ते बोन्यू, बाकीन तुमुत मेसेक यो कोयनेन कोरता मोजबुर कोऱ्या. तुमुक ते मारी बोढाई कोरनो जुवतो होतो, काहाकि हिमी मे कायबी नी होय, तीबी तीनुक मोटलासी मोटला प्रेषितोन सी काहना वातोमा कोम नी होय.

गलातियों 1:16

जो मार मोर्जी होई कि मारेमा आपना पुऱ्या काजे प्रगट कोरे कि मे दिसरा जातीमा तेरी वारली खोबर सोमवाळलो, ती नी मे मास एने लुयसी सोला लेदू.

गलातियों 1:18

ओवते तीन सालोन ओवते मे कैफा काजे भेटनेन कोरता यरुशलेम गोयू, एने तेरेनचा पोंदरा दाहळा तोक रोयू.

गलातियों 2:1

चौदा सालोन ओवते बरनाबास पुठी ओवी यरुशलेममा गोयू, एने तीतुसो काजे बी पुठी लीगोयू.

गलातियों 6:3

काहाकि ओगर कुदू काहीन बी नी होयने पोर बी खुदो काजे काहीन सोमजतलु छे, ती खुदो काजे धोकू देतलु छे.