गलातियों 2:19 - बारेली पावरी

¹⁹ मे ते नियमोन लारे नियमोन कोरता मोर गोयू कि परमेश्वरोन कोरता जीवो.

गलातियों 2:19 Referans Kwoze

रोमी 7:4

तोसोत हे मारा भाशो, तुमु बी येसु मसिहन डीलोन लारे शास्त्रनियमोन कोरीन मोरला बोन गोया कि तिना दिसरान होय जाय, जू मोरलामा गोथू जीव उठ्यू; काहाकि आपु परमेश्वरोन कोरीन फोव लावे.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

1 थिस्सलुनीकियो 5:10

चू आमरेन कोरता इना वोजेसी मोरलु कि आमु चाहे जागतला रोये, नीती सुवतला रोये, आखा मेवीन तेरे साते जासे.

2 कुरीन्थियो 5:15

एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू.

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

रोमी 6:14

तेत्यार तुमरे पोर पापोन बंधन नी रोये काहाकि तुमु शास्त्रनियमोन ताबामा नी होय बाकीन दयान ताबामा छे.

1 पतरस 4:6

काहाकि मोरला काजे बी वारली खोबर एरेन कोरता कोयला कि डीलोमा ते माणसोन अनसारे होयसे, बाकीन आत्मामा परमेश्वरोन मोर्जी अनसारे जीवतला रोईसे.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

गलातियों 3:24

इनान कोरता नियम शास्त्र मसिहनचा तोक पुगाळनेन कोरता आपनो मास्तोर होयो कि आपनु भुरसासी धोरमी ठेराये.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

कुलुस्सि 3:3

काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.

गलातियों 3:10

इनान कोरता जोत्रा माणसे नियम शास्त्रान कामो पोर भुरसू कोरलामा चे आखा पापोन ताबामा छे, काहाकि लिखलो छे “जू कुदू नियम शास्त्रान किताबमा लिखला आखा वातो काजे पावनेमा चात नी रोयतलु चू शापित छे.”

1 कुरीन्थियो 10:31

इनान कोरता तुमु चाहे ती खावू, पिवू, जो जुवे चो कोरु, आखो काय परमेश्वरोन महिमान कोरता कोरु.

रोमी 7:14

आमु काजे मालूम छे कि शास्त्रनियम ते आत्मिक छे, बाकीन मे डीलोन एने पापोन हाते वेचायलू छे.

रोमी 5:20

शास्त्रनियम इचमा आव लागी कि गुणा घोन सोवटा छे बाकीन जा पाप जादा छे, चा दया तेरे गोथी बी जादा होई.

रोमी 4:15

शास्त्रनियम ते रीस उपजावेतली, एने जा शास्त्रनियम नी होय, चा तेरो नियम तुडनो बी नी होय.

1 कुरीन्थियो 9:20

मे यहुदियान कोरता यहुदि बोन्यू कि यहुदि काजे हापकी लावो जे माणसे नियम शास्त्रान अधीन छे तिंदरेन कोरता मे नियम शास्त्रोन अधीन नी होयने पोर नियम शास्त्रोन अधीन बोन्यू कि तीनुक जो नियम शास्त्रान अधीन नी होय, हापकी लावो.

गलातियों 6:14

बाकीन ओसो नी होयो दिसरा काहना वातोन मोटाय कोरे, निस्त आपनु प्रभू येसुन मसिहन ख्रूसोपोर जिनान लारे जोग मारा नोजोरमा एने मे जोगोन नोजोरमा ख्रुस पोर चाळाय गोयलु छे.