गलातियों 1:7 - बारेली पावरी

⁷ बाकीन चू दिसरी वारली खोबर होय नी, पुन वात जी छे कि कोतरा ओसा जा तुमुक बिहाळ देतला एने मसिहन वारली खोबर काजे बिगाळनेन देखतला छे.

गलातियों 1:7 Referans Kwoze

प्रेषित 15:24

जेतार आमु सोमव्या कि आमरे मायला काहनास आमरे आदेश बिगुर आमरी वातोसी तुमु काजे बिगाळ देदा, एने तुमरा मोनो काजे कोमजुर कोर देदला छे.

गलातियों 5:10

मे परमेश्वर पोर तुमरा भुरसामा भुरसू मेकतलु कि तुमरु काहीन दिसरू विचार नी रोये; बाकीन जे तुमु काजे बिहाळतला छे, चू कुदू काहा नि होय दोंड जोळसे.

2 कुरीन्थियो 11:13

काहाकि ओसा माणसे झुटा प्रेषित, एने तोकलीत पुठी काम कोरणे वावा एने मसिहन प्रेषितोन रूप कोरणे वावा छे.

गलातियों 5:12

वारू होयतो कि तुमु काजे अस्थिर, कोमजुर कोरतेला छे चे आपना डीलोक बी काट देतला छे;.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

प्रकाशित वाक्य 20:3

एने तीनाक उंडा खाडामा घालीन बोंद कोर देदा एने तिना पोर छापा लागाळ देदा कि चू होजार साल पुरो होयने तोक जाती जातीन माणसो काजे पोछु नी विसरावे एरेन ओवतेन छाचलीन छे कि चू थुलिक वारोन कोरता पोछु उगडाय जासे.

2 योहान 1:10

कोबी कुदू तुमरे जुव आवे एने जो भोनावे नि आपे, तिनाक घोरमा मा आवने देवू, नि ती नमस्कार कोरु.

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 2:20

बाकीन मेसेक तारा खिलापमा यो कोयनो छे कि तू ची बायर इजबेल काजे रोयने देतलु छे ची आपना खुदो काजे भविष्य कोरणे वावी कोयतेली छे, एने मारा दासो काजे व्यभिचार कोरणे एने मुर्त्यान ओगोव चोळावला चीजे खाणेन सिकाळीन फोसाळतली छे.

प्रकाशित वाक्य 2:6

बाकीन होव, मारेमा जी वाते छे कि तू निकोलीयनोन कामो पोर सिगी कोरतेलू छे, तिंदरे पोर मे बी सिगी कोरतेलू छे.

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.

2 योहान 1:7

काहाकि कहानला ओसा भनकावने वावा जोगोमा निकावी रोया, जे यो नि मानतला कि येसु मसिह डीलोमा होईन आयु; भनकावने वावु एने येसु मसिहक रुकने वावा जेच छे.

1 योहान 2:26

मे यी वात तुमुक हिंदरा बारामा लिखलू छे, यो तुमुक भनकावतलो छे;

2 तीमथी 2:18

जो यो कोयीन कि जीव उठनो होय गोयलो छे खोरलासी भोटकी गोयला छे, एने कोतरा विस्वास्या काजे उलटा पुलटा कोर देतला छे.

गलातियों 6:17

ओगोव कुदू मेसेक दुख घोन आपता, काहाकि मे येसुन डागो काजे आपना डीलमा लीन फिरतलु.

गलातियों 4:17

ती काय तुमरे साते दोस्त बोनावने ते कोरता होता बाकीन वारला मोनोसी नी बाकीन तुमु काजे ओलोग कोरणे वावा होता कि तुमु तीनु काजे दोस्त बोनावू बाकीन वारला उद्देशसी नी.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

प्रेषित 20:30

तुमरेत इचमा मे बी ओसला-ओसला माणसे उठसे, जू चेला काजे आपने पोछोव हापकी लेणेन एने वाकडी-तिकडी वाते कोयसे.

प्रेषित 13:10

“हे आखा कपटी दोगावा एने आखा लुचळा मायला भोरायलु भुतडान पुऱ्या आखा धोरमीन दुष्मोन तू परमेश्वरोन सुदली वाटोक वाको कोरने नि छुळे काय?”

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

गलातियों 1:6

मेसेक नोवलायी होयतेली कि यु तुमुक मसिहन दयामा बुलाव्यू तीनासी तुमु दिसरान कोरता फिरीन दिसरान वारली खोबर भूनी झुकने बाज गोया.