गलातियों 1:6 - बारेली पावरी

⁶ मेसेक नोवलायी होयतेली कि यु तुमुक मसिहन दयामा बुलाव्यू तीनासी तुमु दिसरान कोरता फिरीन दिसरान वारली खोबर भूनी झुकने बाज गोया.

गलातियों 1:6 Referans Kwoze

2 कुरीन्थियो 11:4

ओगर कुदु तुमरेनचा आवीन काहना दिसरा येसुन काम कोरे, जेरु प्रचार आमु नी कोऱ्या; नीती काहनु ओवी आत्मा तुमुक जोळे जू पेहेले नी जोळलु होतु; नीती कुदू वारली खोबर सोमवाळतलु तुमु पेहेले नी मान्य, ती तुमु तीनाक सोह लेता.

1 तीमथी 1:3

जोसू मे तुसे काजे मकीदुनीयामा जाणेन टेमे समजाडलू होतु, कि इफिसुसमा रोयीण दिसरा माणसोक आग्या आपे कि दिसरा भातीन शिक्षा नी आपे.

1 कुरीन्थियो 4:15

काहाकि कोदि मसिहमा तुमुक सिकाळने वावा दस हजार बी रोयता, तीबी तुमरा बास जादा नी; इनान कोरता कि मसिह येसुमा वारली खोबरोन लारे मे तुमरू बास होयू.

प्रेषित 15:11

बाकीन आमुक मालूम छे कि प्रभू येसुन दयामा आमरा छुटकारू होयलु छे जिना रितीसी तिंदरी.”

गलातियों 5:4

तुमु जे शास्त्र नियमन लारे धोरमी बोननेन कोरतेला छे, मसिहसी ओलोग एने मोंगसी पोळ गोयला छे.

रोमी 10:3

काहाकि चे परमेश्वरोन धारमिकतासी ओनजानला होयीन एने आपनी धारमिकता स्थापन कोरणे प्रयत्न कोरीन परमेश्वरोन धारमिकता रोयीन कोऱ्या.

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

प्रकाशित वाक्य 22:21

प्रभू येसुन दया पवित्र माणसोन साते रोये. आमेन.

2 तीमथी 2:1

इनान कोरता हे मारा पुऱ्या तू इनाक दयासी जे येसु मसिहमा छे ताकत वावू होय जा.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

योहान 9:30

चू तीनुक जोवाब आप्यू, “जी ते नेवलायन वाट छे कि तुमु नि जानतला कि चू का वावू छे, ते बी चू मारा डूवा उगाळ देदु.

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

1 पतरस 1:15

बाकीन जोसी तुमरू बुलावने वावू चुखलु छे, तोसोत तुमु भी तुमरा आखा चाल चलनमा पवित्र बोनु.

मरकुस 6:6

एने चू तिंदरू अविस्वास पोर नोवलाय कोऱ्यु, एने चू चारू धोळेन गाव-गावमा सिकाळतू फिऱ्यू.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

गलातियों 1:7

बाकीन चू दिसरी वारली खोबर होय नी, पुन वात जी छे कि कोतरा ओसा जा तुमुक बिहाळ देतला एने मसिहन वारली खोबर काजे बिगाळनेन देखतला छे.

गलातियों 1:11

हे भाशो मे तुमुक देखाळ देयो कि वारली खोबर मे सोमवलू छे, चू माणसोन बी नी होय.

गलातियों 1:15

बाकीन परमेश्वरोन, जू मारी आयान पेटोमा होतु मेसेक ठेरावलु एने आपनी दयासी बुलाय लेदू.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

गलातियों 2:5

एक घोळीभोर तिंदरा ताबामा रोयने आमु नी मान्य, इनान कोरता कि वारली खोबरोन खोराइ तुमरेमा टेकिन रोये.

गलातियों 2:7

बाकीन इंदरे सीवाय जेतार चे देख्या कि जोसा सुंता कोरला माणसोन कोरता वारली खोबरोन काम पतरस काजे सोप देदला होता, तोसोच देणे वावान कोरता मेसेक वारली खोबर सोमवाळने काम सोपाय गोयो.

गलातियों 2:14

बाकीन जेतार मे देख्यू कि चे वारली खोबरोन खोराइ पोर सुधी चाल नी चालता ती मे आखान सामने कैफा काजे कोयू “जेतार तू यहुदि होयीन भी दिसरा जातीन माणसोन तोसु चाले एने यहुदिन तोसु जीवे ती तू दिसरा जातीन माणसो काजे यहुदिन तोसा चालने काहा कोयतेला.”

गलातियों 5:14

काहाकि आखा नियम, इनी एकुत वातमा पुरी होय जातली छे, “तू तारा साते वावा पोर खुदो सारखो मोंग कोर.”