इफिसीयो 5:5 - बारेली पावरी

⁵ काहाकि तुमुक यो मालूम छे कि कुदा व्यभिचारोन नीती लालूच वावा माणसोक जे मूर्ती पुजान बरोबर छे मसिहन एने परमेश्वरोन राजमा वाटू नी होय.

इफिसीयो 5:5 Referans Kwoze

गलातियों 5:21

डाव मोतलोबी हेवा एने तिंदरे सारखा एने लोकेत कामे छे, इंदरा बारामा तुमु काजे पेहलेन कोय दोम जोसू पेहेले बी कोयलु छे, कि ओसा-ओसा कामे कोरने वावा परमेश्वरोन राजान वारीस नी होये.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

इफिसीयो 5:3

जोसा चुखला माणसोन लायक छे, तोसोत तुमरेमा भुंडला विचार काहना भातीन विटेवला कामे नि ती लालचोन वाते तोक नी होये.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

गलातियों 5:19

डीलोन काम ते प्रगट छे, मतलब भुंडला विचार, भुंडला कामे, कामोन लालोच.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

1 तीमथी 6:10

काहाकि पोयशान लालच आखा भातीन बुराइन थुळ छे, तीनाक हेरनेन कोरीन कोशिश कोरीन भुरसाम चा गोथा भटकीन आपनु काजे भाती भातीन दुखोसी छलनो बनाव लेदलु छे.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

प्रेषित 8:21

इनी वातोमा नि मारू हिस्सू होय, नि वाटू; काहाकि तारो मोन परमेश्वर सामने सुदी नि होय.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

कुलुस्सि 1:13

चु आमु काजे आंदारलान बंधनमा गोथू छुळावीन आपनु मोंगावा पुऱ्यान राजमा पुगाळ्यु,