इफिसीयो 4:17 - बारेली पावरी

¹⁷ इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

इफिसीयो 4:17 Referans Kwoze

रोमी 1:21

इनान कोरता कि परमेश्वरोक उवखने पोर बी चे परमेश्वरोन लायक बोढाई एने धन्यवाद नि कोऱ्या बाकीन रिकामा विचार कोरणे बाज रोया, न्या तोक कि तिंदरो बिन ओकल्यो मोन आंदारो होय गोयो.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

कुलुस्सि 2:4

यो मे इनान कोरता कोयो कि कहानुस माणूस तुमुक भडकावनेवावी वातोसी धोकू नि आपे.

1 पतरस 1:18

काहाकि तुमु जानतला छे कि तुमरा वायबार चाल चोलन जी बाप दादो से चाल रोयी, तीनासी तुमरु छुटकारू चांदी सोनो ओगर नाशवान वस्तून चुरी नि होये.

प्रेषित 20:21

नी तेत्यार यहुदिया एने युनानीन गोवायीन आपतू रोयो कि परमेश्वर भूनी मोन फिरावू एने आमरा प्रभू येसु मसिह पोर भुरसू कोरनो जुवे.

प्रेषित 18:5

जेतार सिलास एने तीमथी मकीदुनीया गोथा आव्या, ती पौलुस वचन सोमवाळनेन धूनमा यहुदि काजे गोवायी आपने बाज गोयू कि येसुत मसिह छे.

प्रेषित 14:15

“हे भाशो यो आखो काय कोरणे बाज रोया? आमु बी ते तुमरे सारखा माणसे छे; एने तुमुक इना रितीसी वारली खोबर कोयजे कि, तुमु इना वायबार चीजोन कामे छुळीन जीवतला परमेश्वर भूनी फिरू जू सोरग धोरती एने दोरीया एने जो काय तेरेमा छे आखाक बोनाव्यू.”

2 तीमथी 4:1

परमेश्वर एने मसिह येसु काजे गोवायी मानीन जो जीवतलो एने मोरलान वियाव कोरसे, एने हिंदरो प्रकट होयने एने राज्यान सुधी आपीन मी तुसेक आदेश आपो.

1 तीमथी 6:13

मे तुसेक परमेश्वरोन जू आखा काजे जीवतलु राखतलु, एने मसिह येसु काजे गोवायी कोरीन जू पुन्तियुस पिलातूसन ओगोव वारलु रोयलु जू आग्या आपो,

1 तीमथी 5:21

परमेश्वर एने मसिह येसु एने नेवाळला सोरग दूतोन हजर जानीन मे तुसेक जोताळीन कोयो कि मन खुलीन इनी वातो काजे मान ले, एने कानलो काम बिना रुकीन नि कोरे.

1 थिस्सलुनीकियो 4:6

इना वातोमा कुदू आपना भाश काजे नि ठोगे, एने नि तीना पोर दोगु चालाळे, काहाकि प्रभू इनी आखा वातोन बदलू लेणे वावु छे; जोसो कि आमु पेहेले तुमु काजे कोयला एने जोताळला भी होता.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

इफिसीयो 1:22

एने आखो काहीन तेरो पायो तोवे कोर देदु एने तीना काजे आखा चीजो पोर मुंडको ठेरावीन मंडवी काजे आप देदू.

गलातियों 5:3

ते बि मे होर एक सुंता कोरणे वावा काजे जोताळो कि तिना काजे आखो नियम माननो पोळसे.

गलातियों 3:17

पुन मे यो कोय, जू वायदू परमेश्वर पेहेलेसी पक्की कोरलु होतु, तिना काजे नियम शास्त्रामा चार सौ तीस साल अवेत आवीन नी टाव सोकतलु कि वायदा कायमोन कोरता होये.

2 कुरीन्थियो 9:6

बाकीन वात जी छे कि जू थुलोक वेरतेलु, चू थुलोक काटसे एने जे जादा वेरतेला चे जादा काटतेला.

1 कुरीन्थियो 15:50

हे भाशो, मे यो कोय कि मास एने लुय परमेश्वरोन राज्योन अधिकारी नी होय सोकतला, एने नाश वावू अधिकारीन अविनाशीन अधिकारी होय सोकतलु छे.

1 कुरीन्थियो 1:12

मारो कोयनेन मतलब यो छे कि तुमु तुमरेमा गोथो कुदू ते आपना खुदो काजे पौलुसोन, कुदु अपुल्लोस, कुदु, कैफान, ते कुदू, मसिहन कोयतेला छे.

प्रेषित 2:40

एने घोन सोवटी दिसरी वातोसी गोवायी आपीन तीनु काजे रावन्या कोरतू रोयू कि, इनी नाणी पिढीमा गोथू वाचाड.

लुका 16:28

काहाकि मारा पाच भाश छे; चू तिंदरे सामने इनी वातोन गोवायी आपे, ओसो नि होये कि चे इनी पिळान जागामा आवे.”