इफिसीयो 4:13 - बारेली पावरी

¹³ जेतार तोक आपनु आखान भुरसू एने परमेश्वरोन पुऱ्यान उवखायतामा एक नी होय जाजे एने एक पाकु माणूस नी बोन जाय एने मसिहन पुरा डीलोम तोक बोढ नि जाये.

इफिसीयो 4:13 Referans Kwoze

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

इफिसीयो 4:5

एकुत प्रभू छे एकुत भुरसू एने एकुत बाप्तिस्मा.

इफिसीयो 4:3

एने मेवोन बंधनमा आत्मान एकी कोरणेन कोशिश कोरु.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

इब्रानियो 5:14

बाकीन खाणो ते मोटलान कोरता छे, जिंदरी ग्यानइंद्रिय भोनता-भोनता वारला भुंडलो उवोखनेन हुशार होय जाय.

फिलिप्पि 3:8

नीती मे आपना प्रभू येसु मसिहन उवखनेन बारामा वारलान वजेसी मे आखा चीजोन नुकसान सोमोजतलु. जेरे कारण मे आखा चीजोन हानी उठावलु छे एने तीनुक कोचरू सोमजतेलु, जेरेसी मे मसिह काजे ली लेदू.

1 कुरीन्थियो 14:20

हे भाशो, तुमु समजनेमा नानला पुऱ्यामा बोनु बुराईमा ते नानला पुऱ्या रोयू, बाकीन सोमोजनेमा शहाना बोनु.

इफिसीयो 1:23

यो तेरो डील छे एने तेरोत परिपूर्णता छे जो आखामा आखो काय पुरो कोरतेला छे.

प्रेषित 4:32

भुरसू कोरणे वावान मंडवी एक मोन लागाळीन एक विचारोन होती न्या तोक कि घोरल्या आपनो धोन मारो नि कोवायतेला बाकीन आखो गोवानदिमा होतो.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

इफिसीयो 4:12

जीनासी चुखला माणसे तीयार होय जाय एने सेवान काम कोराय जाय एने मसिहन डीलोन बोढतो जाय.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

योहान 1:16

काहाकि तेरी पूर्णता मा गोथू आमु आखा ली लेदला छे मतलब आशिष पोर आशिष.

योहान 6:69

एने आमु भुरसू कोऱ्या एने जानी लेदा कि परमेश्वरोन चुखलो जोणु तुत छे.”

1 कुरीन्थियो 2:6

तीबी तीयार होयला माणसोमा आमु ग्यान सोमवाळतला छे; बाकीन इना जोगोन एने इना संसारोन नाश होयने वावान सुभेदारोन ग्यान नी;

गलातियों 4:19

हे मारा पुऱ्या जेतार तोक तुमरो मोन मसिहन सारखो मोन नी बोने तेत्यार तोक मे तुमरेन कोरीन ओवी दुख सोहोन कोरतेलू छे.

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

फिलिप्पि 3:10

काहाकि मे तीना काजे एने तिनान मोरनोन जीव उठनेन ताकत काजे एने तेरे साते दुखोमा सहभागी होयनेसी तेरा भेद सोमजू एने तेरी मोरनोन समानता काजे हासील कोरो.

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.