इफिसीयो 1:19 - बारेली पावरी

¹⁹ एने तेरी ताकत आमरेमा जे भुरसू कोरतेला छे कोतरु मोटू छे, तेरी ताकतोन ओसोर तिना कामोन अनसारे.

इफिसीयो 1:19 Referans Kwoze

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

इफिसीयो 3:20

हिमी जो ताकत वावू छे कि आमरी विनता एने समज सी घोन सोवटो काम कर सोकतलु, तिना ताकत अनसारे जो आपनेमा काम कोरे.

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

2 कुरीन्थियो 4:7

आपने जुव चो धोन धुवान ठाहरामा मेकलो छे कि यो मोल्यवान ताकत आपने तोरोफसी नी बाकीन परमेश्वर तोरोफसी ठेरे.

कुलुस्सि 1:29

इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.

इफिसीयो 6:10

इनान कोरता प्रभूमा एने तेरी ताकतोन प्रभावमा ताकत वावा बोनु.

इफिसीयो 3:7

मे परमेश्वरोन मोंगोन तिना दानोन अनसारे, जोतरी मोटला प्रभावोन अनसारे मेसे काजे आपाय गोयलो छे तिना वारली खोबरोन सेवक बोन्यू.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

योहान 3:6

काहाकि जे डीलोसी जन्म होयला छे, चे डील से एने आत्मासी जन्म होयलो छे, चे आत्मा छे.

फिलिप्पि 3:21

चू आपनी ताकतोन तिना असर सी जिनान लारे चे आखा चीजो काजे आपना हातोमा कोर सकतला छे, आपनी कोमजोर डीलोन रूप बोदलावीन आपनी महिमान डीलो सारका बोनाव देसे.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.