कुलुस्सि 4:8 - बारेली पावरी

⁸ तीनु काजे मे इनान कोरता तुमरेनचा मूकल्यु कि तुमुक आमरी हाल मालूम होय जाय, एने चे तुमरा मोन काजे शांती आपे.

कुलुस्सि 4:8 Referans Kwoze

इफिसीयो 6:22

तीनाक मे तुमरे साते इनाक कोरता मुकेल्लू छे कि तुमु आमरी हालत काजे सोमजू एने चू मारा मोनो काजे शांती आपे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

2 थिस्सलुनीकियो 2:17

तुमरा मोनोमा शांती आपे एने, तुमु होर एक वारला कामे एने वचनमा वातळा रोये.

1 थिस्सलुनीकियो 5:14

हे भाशो, आमु तुमु काजे सोमजाडतला छे कि जे वारलो चाल नि चालतला तीनुक सोमजाळू, बिहन्या काजे धीर आपु, बिना ताकत वावा काजे सोमावू, आखांचा सहन शीलता देखाळू,

1 थिस्सलुनीकियो 5:11

इना वोजेसी एक दिसरा काजे शांती आपु एने एक दिसरान उन्नतीन वोजेह बोनु, जोसो तुमु कोरतेला भी छे.

1 थिस्सलुनीकियो 4:18

इना रितीसी इना वातोसी एक दिसरा काजे शांती आप्या कोरु.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

1 थिस्सलुनीकियो 2:11

तुमुक मालूम छे, जोसू बास आपना पुऱ्या पुठी वेहवार कोरतेलु तोसात आमु बी तूमरे मायला हर एक जोनानु काजे प्रचार कोरतेला, एने महिमामा बुलावतला.

फिलिप्पि 2:28

इनान कोरता मे तीनाक मुकोलनेन कोऱ्यु कि तुमु तीनासी ओवी भेट कोरीन खुश होय जावू एने मारो दुख बी कोम होय जाय.

2 कुरीन्थियो 12:18

मे तीतुस काजे सोमजाडीन हेरे साते तिना भाश काजे मूकल्यु, ती काय तीतुस छोळ कोरीन तूमरे सी काहीन लेदू? काय आमु एकुत आत्मान चालना पोर नी चाले? काय एकुत वातो पोर नी चाले?

2 कुरीन्थियो 2:7

इनान कोरता एरे गोथो वारू यो छे कि तेरु गुणू माफ कोरु एने शांती आपु, ओसो नी होयनो जुवे कि माणूस जादा नाराजमा डूब जाय.

2 कुरीन्थियो 1:4

चू आमरा आखा दुखोमा शांती आपतलु छे; काहाकि आमु तिनी शांतीन वोजेसी जू परमेश्वर आमुक आपतलु छे, तीनुक भी शांती आप सोके जो कानला रितीन दुखोमा छे.

1 कुरीन्थियो 4:17

इनान कोरता मे तीमथी काजे जू प्रभूमा मारू मोंगावू एने भुरसान लायक पुऱ्यु छे, तुमरेनचा मुकली रोयू. चू तुमुक येसु मसिहमा मारो जीवन फोम कोरावसे, जोसू कि मे होर जागा पोर होर एक मंडव्यामा प्रचार कोरतेलू छे.