2 धोरती पोरला नि बाकीन सोरगोन चीजो पोर मोन लागाळू.
आखरी, जेतार तुमु मसिह पुठी जीवाळाय गोया, ती सोरगोन चीजोन हेर कोरणेमा रोयू, जा मसिह रोयतेलु छे, एने परमेश्वरोन जेवळे धोळे बोस रोयू.
येसु पोछु फिरीन पतरस काजे कोयू, “हे भुतडा, मार सामने गोथू नांबे होय जा, तू मारेन कोरता ठूकरोन वोजा छे काहाकि तू परमेश्वरोन वातो पोर नी, बाकीन माणसोन वातो पोर मोन लागाळतलु.”
“आपनेन कोरीन धोरती पोर धोन एखठो मा कोरु, जां किडा एने कुदु बिगाडतला छे, एने जां चुटा घोर फुळीन चुरी कोरतेला छे.”
इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.
एने येसु तीनुक कोयू, “हुशारीमा रोयू एने आखा भातीन लालचसी आपना खुदो काजे वाचाडीन राखू; काहाकि कुदान जीवन तेरो धोनोन बोढनेसी नि होयतलो.”
इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे?
काहाकि मे दुयोन इचमा लोटकी रोयू; मोन ते कोरे कि काहीन कोरीन मसिहनचा जायीन रोयो, काहाकि यो जुदो वारू छे.
