कुलुस्सि 1:10 - बारेली पावरी

¹⁰ काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 1:10 Referans Kwoze

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

1 योहान 3:22

एने जू काय आमु मांगतेला चो आमुक जोळतलो काहाकि आमु तेरा आग्या काजे पावतेला छे एने जो तीनाक गोवतेलो चोत कोरतला छे.

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

इब्रानियो 13:16

भोलाई कोरनो एने मोंता देखाळने मा वीसरु काहाकि ओसला बलिदानोसी परमेश्वर खुश होय जातलु छे.

योहान 15:8

मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.

तीतुस 3:14

आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

2 पतरस 1:8

काहाकि कोबी चे वाते तुमरेमा चालू कावोमा रोये एने बोढती रोये, ती तुमुक आमरे प्रभू येसु मसिहन उवखोमा रिकामा एने बिना फोवोन नि होयने देय.

कुलुस्सि 2:6

आखरी जोसा तुमु येसु मसिह काजे प्रभू कोरीन मान लेदा तोसोत तीनामा चालता रोयू.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

कुलुस्सि 4:5

टेमो काजे किमती सोमजीन बारथे वावा साते ग्यानसी व्यहवार कोरु.

इफिसीयो 5:15

इनान कोरता ध्यानसी देखू कि कोसी चाल चालतला छे, बिन ओकल्या नी पुन ओकोलवावान तोसा चालू.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

2 कुरीन्थियो 2:14

बाकीन परमेश्वरोन धन्यवाद होये जू मसिहमा आमु काजे तीहीवारोमा खुशी लीन फिरतलु छे एने, आपना ग्यानोन गोंद आमरे लारे आखे जागे फैलतलु.

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

इफिसीयो 5:10

एने यो पारखु कि प्रभू काजे काय गोवतेलो छे.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

तीतुस 3:1

माणसो काजे कोय, कि प्रधान एने अधिकारीन कोयामा रोयू एने तिंदरी आग्या माणू एने होर एक वारला कामोन कोरता तीयार रोयू.

कुलुस्सि 3:20

हे पुऱ्या आखा वातोमा आपना-आपना आसी बासान आग्यान पालन कोरु काहाकि प्रभू इनासी खुश होयतेलु छे.

इफिसीयो 4:13

जेतार तोक आपनु आखान भुरसू एने परमेश्वरोन पुऱ्यान उवखायतामा एक नी होय जाजे एने एक पाकु माणूस नी बोन जाय एने मसिहन पुरा डीलोम तोक बोढ नि जाये.

इब्रानियो 11:5

भुरसासी हनोख उपोर चुटाय गोयू चू मोरोन काजे नि देख्यू, तेरो पोतू नी लाग्यू काहाकि परमेश्वर तीना काजे चूट लेदलु होतु, तेरे चुटाय जाणेन पेहेल तेरी जी गोवायी आपायली होती कि चूटनेन पेहेले चू परमेश्वर काजे मोंगावू होतु.

2 तीमथी 2:4

जेतार काहनलु योद्धा लोळायमा जातलु ती तिनान कोरता कि आपनी भोरती कोरणे वावा काजे खुश कोरे खुदो काजे संसारोन कामोमा नी फोसाळतू,

कुलुस्सि 2:19

एने तीना शिरोमणि काजे धोरीन नि मेलतला जीनासी आखा डील जुळायला एने पोट्टान लारे पालन पोषण लीन एने एखठो परमेश्वर भूनी बोळतो जातला.

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

2 कुरीन्थियो 9:8

परमेश्वर आखी भातीन दया घोनी सोवटी आप सोकतेलु जिनासी आखी वाते होर एक टेमे, आखो काय जो तुमु काजे गोरोज छे, तुमरे जुव रोये; एने होर एक वारला कामोन कोरता तुमरे जुव घोनो काय रोये,

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

रोमी 4:12

एने तीनु सुंता कोरलान बास जे निस्ता सुंता कोरला होता बाकीन आमरू बास अब्राहामन तिना भुरसान निशाणी पोर बी चालतला छे, जो चू सुंता नी कोरला लारे कोरलु होतु बाकीन भुरसान धोरमीन लारे.

रोमी 1:13

हे भाशो मेसेक ओसो लागे कि तुमु इनासी ओनजानला रोयू कि मे घोळी-घोळी तुमरेनचा आवनेन कोऱ्यु कि जोसो मेसे काजे दिसरा जातीमा फोव जोळ्यो तोसोत तुमरेमा भी जोळे बाकीन हिमी तोक रुक देदा.

2 कुरीन्थियो 5:9

इनान वोजेसी आपना मोनोन मोर्जी छे कि अगर साते रोये-नीती ओलोग रोये बाकीन आपनु तीनाक लेता रोयू.

3 योहान 1:6

ते मंडवीन ओगोव तारा मोंगोन गोवायी आपला छे कोदि तू तीनुक इना रितीसी मुकल देसू तिना रितीसी परमेश्वरोन माणसे साते वारू छे ती वारलो कोरसे.