प्रेषित 19:9 - बारेली पावरी

⁹ बाकीन जे काय माणसे काठला बोनीन तेरी नी मान्या नी तेत्यार माणसोन सामने तिनी वाट काजे बुरो कोयने बाज गोया, ती चु तीनु काजे छुळ देदु एने चेला काजे ओलोग कोर देदू, एने दाहळीन तुरनूस शाळामा वाद विवाद कोऱ्या कोरतू होतु.

प्रेषित 19:9 Referans Kwoze

प्रेषित 19:23

इने टेमे इना वाटोन बारामा मोटलु दोंगु होयू.

प्रेषित 9:2

एने चू दमिश्क प्रार्थना घोरोन नावो पोर इनी विचारो पोर चिठ्या मांग्यू कि काहना माणसे काहना बायरा जीनुक चू इना पंथमा देख्यू तीनुक बांधीन यरुशलेममा ली आवे.

2 पतरस 2:12

बाकीन जे माणसे बिना दिमाकोन जोनावर सारखा छे, जे धोराय जाणे एने नाश होयनेन कोरता पोयदा होयला छे; एने जिना वातो काजे उवेखतला नि तिंदरा बारामा दिसरा काजे वारलो भुंडलो कोयतेला छे चे आपनी सोळलामा खुद सोळ जासे.

प्रेषित 14:4

बाकीन देसो मायला माणसोमा फुट पोळ गोयी जीनाम गोथा काहीन यहुदिन पक्षामा एने काहना प्रेषितोन पक्षामा होय गोया.

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

2 पतरस 2:2

जुदा सोवटा तिंदरे ओगोव लुचळाय कोरसे, जिनान कोरता खोरला वाटोन बुराई कोरली जासे.

इब्रानियो 3:13

बाकीन जीन दाहळे तोक आजून दाहळू कोवायतलु तुमु दाहळीन एक दिसरा काजे प्रोत्साहित कोरु, कोदि ओसो नी होये कि तुमरेमा गोथू काहनुस माणूस पापोन बेहकावामा आवीन वातळा होय जाय.

1 तीमथी 6:5

एने हीनु माणसोन उदळूत लोळाय, होयतेली छे, एने होया खोरली वातोन गोथा ओलोग होय गोयला छे.

रोमी 11:7

इनान कोरता बोदलु काय होयू? यो कि इस्राईल जिनान हेरमा होता चो तीनुक नी जोळ्यू; बाकीन नेवाळला काजे जोळ्यो एने बाकी माणसोजू काजे वातडा कोर देदा.

रोमी 9:18

इनान कोरता चू जिना पोर कोरणेन कोरे तिना पोर दया कोरतेलू छे, एने जीनाक गोवे, “तीना काजे काठलो कोर देतलु छे.”

प्रेषित 22:4

मे इना पंथ काजे वेला पाळाव्यू तीनुमा बायरा एने माणसो दुयू काजे बांद बांदिन जेलखानामा नाख्यू तीनु काजे मोरी बी नाख्यू.

प्रेषित 7:51

“हे हट्टी माणसो तुमरा मोने कानटान बिना सुंता माणसो, तुमु हमेशा पवित्र आत्मान खिलाप कोरतेला जोसा तुमरा बाप दादा कोरता होता, तोसात तुमु बी कोरतेला.”

2 तीमथी 4:2

कि तू वचनोन प्रचार कोर, टेम एने बिना टेम पोर तीयार रोयजी, आखा भातीन सहनसिलता एने शिक्षा पुठी सिकाळ एने लोळ एने सोमजाड.

2 तीमथी 3:5

होया भोक्तीन तोसा ते कोरसे, पुन हिंदरी ताकत काजे नी माने; हीनु गोथा ओलोग रोयजू.

2 तीमथी 1:15

तुसेक मालूम छे कि आसिया वावा आखा मारेंचा गोथा फिर गोया, जीनामा फुगल एने हिरमुगिनेस छे.

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

प्रेषित 24:21

एने इनी एक वात काजे छुळीन जो मे तिंदरे इचमा मा उबरोय रोयू होतु तेत्यार मे जुरेत मोटा बुलोमा कोयलु होतु “मोरनेमा गोथो पोछोव जीव उठनेन बारामा आज मारू नियाव तारे सामने कोराय रोयू.”

प्रेषित 20:31

इनान कोरता जागता रोयू, एने फोम कोरु कि मे तीन साल तोक रात दाहळू आसवा वोयाळी-वोयाळीन होर एक जोना काजे जोताळीन कोयनो नी छुळ्यो.

प्रेषित 19:30

जेतार पौलुस माणसो साते माही जाणे कोऱ्यु ती चेला हीनाक जाणे नी देदा.

प्रेषित 17:4

तीनु मायीन घोणा सोवटा जोना एने भोक्त युनानी मायला घोणा सोवटा; एने घोणा सोवटा कुलीन बायरा मान लेदा, एने पौलुस एने सिलास साते भेसकाय गया

प्रेषित 11:26

जेतार चू तीना काजे मेव्यू ती तीनाक अन्ताकियामा लीन आव्यु, ती ओसो होयो कि एक साल तोक मंडवीन साते संगती एने लोकेत माणसो काजे प्रचार कोरता रोया एने चेला आखान पेहेले अंताखीयामा पेहेला मसिही कोवाया.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

मत्ती 26:55

तिनी टेमे येसु भीळ काजे कोयू, “तुमु तलवारे एने डेंगा लीन मेसेक डाखून तोसो धोरणे कोरीन निकवी रोया?” मे दाहळीन मंदीरमा बोसीन प्रचार कोरतू होतु एने तुमु मेसेक नि धोऱ्या.

मत्ती 16:4

“इनी कोवीन भुंडला एने व्यभिचारी माणसे चिन्ह हेरतेला, बाकीन योनान चिन्ह छुळीन तीनुक काहनो ओवी कुदाक चिन्ह नी आपाये” एने येसु तीनु काजे छुळीन जात रोयू.

मत्ती 15:14

तीनुक जाणे देवू; चे आंदवा वाट देखाळने वावू छे एने आंदवू आंदवा काजे वाट देखाळसे ती दुयू खाडामा पोड जासे.

1 कुरीन्थियो 16:9

काहाकि मारेन कोरता चा एक मोटलो एने कामोन झोपलु उगाळलु छे, एने दुष्मोन जादात छे.