प्रेषित 18:8 - बारेली पावरी

⁸ तेत्यार प्रार्थना घोरोमा सरदार क्रिस्पुस आपना आखो घोरानो साते प्रभू पोर भुरसू कोऱ्या; एने घोणा सोवटा कुरीन्थ मायला सोमवीन भुरसू कोऱ्या एने बाप्तिस्मा लेदा.

प्रेषित 18:8 Referans Kwoze

प्रेषित 11:14

चू तुसे काजे ओसी वात देखाळसे जिनान लाव लारे तू एने तारो आखो घरानो छुटकारू होयसे.

प्रेषित 8:12

बाकीन जेतार चे फिलीपोन भुरसू कोऱ्या एने परमेश्वरोन राजोन एने येसु मसिहन नावोन वारली खोबर सोमवाळतू होतु ती माणसे, काय बायरा बाप्तिस्मा लेणे बाज गोया.

प्रेषित 18:17

तेत्यार आखा माणसे प्रार्थना घोरोन सरदार सोस्थिनेस पोकडीन नियाव कोरनेन जोगोन सामने देदा बाकीन गल्लीयो इना वातोन काहीन विचार नि कोऱ्या.

प्रेषित 16:34

तेत्यार चू तीनु काजे आपना घोरोमा लीजायीन तिंदरे ओगोव खाणो मेक्यू एने आखो घोरानो मेवीन परमेश्वर पोर भुरसू कोरीन खुशी कोऱ्या,

प्रेषित 13:15

तेत्यार नियम शास्त्र एने भविष्य कोरतान किताब भोननेन ओवतेन प्रार्थनान घोरोन सरदार तिंदरेचा कोय मुकल्या, “हे भाशो अगर माणसोक प्रचार कोरणे कोरता तुमरा मोनोमा काहीन होय ती कोयू.”

प्रेषित 10:2

चू भक्त होतु, एने आपना आखा घोरल्या पुठी परमेश्वरोक बिह्तु होतु, एने यहुदि माणसो काजे घोनो दान आपतू होतु, एने बारबार परमेश्वरोन प्रार्थना कोरतू होतु.

मरकुस 5:35

चू ओसो कोयतूत होतु कि प्रार्थना घोरोन सरदारोन घोर गोथा माणसे आवीन कोया, “तारी पुराय ते मोर गोयी, हिमी गुरु काजे काहा दुख देतलू?”

मरकुस 5:22

एने याईर नावोन प्रार्थना घोरोन सरदारो मायलु एक आव्यु, एने तीना काजे देखीन तेरा पायो पोर पोळ्यु,

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

प्रेषित 18:1

इनान ओवतेन पौलुस एथेंस काजे छुळीन कुरिन्थमा आव्यु.

प्रेषित 19:1

जेतार अपुल्लोस कुरिन्थमा होतु, ती पौलुस उपोरवावा आखा प्रदेशमा जायीन इफिसमा आव्यु चा काहनास चेला काजे देखीन.

1 कुरीन्थियो 1:2

परमेश्वरोन तिना मंडव्यान नावे यो कुरिन्थमा छे, मतलब तिंदरा नावे ये मसिह येसुमा पवित्र कोराय गोया, एने पवित्र होयनेन कोरता बुलवाय गोयलो छे; एने हिंदरा आखान नाव बी जे होर एक जागे आमरा एने प्रभू येसु मसिहन नावोसी प्रार्थना कोरतेला छे.

2 कुरीन्थियो 1:1

पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

2 कुरीन्थियो 1:23

मे परमेश्वर काजे गोवा कोरीन कोयो कि मे हिमी तोक कुरिन्थमा इनान कोरता नी आव्यु, कि मेसेक तुमरे पोर दया आवती होती.

2 कुरीन्थियो 6:11

हे कुरीन्थ, आमु उगाळीन तारे पुठी वात कोरला छे, आमरो मोन तुमरे भूनी उगाळलो छे.

2 तीमथी 4:20

इरास्तुस कुरिन्थुस मा रोय गोयू एने त्रुफीमूस काजे मे मिलेतूसमां मांदलु छुळलु छे.