प्रेषित 14:3 - बारेली पावरी

³ इनान कोरता चे चा घोणा सोवटा दाहळा तोक रोया एने प्रभू तिंदरे हातोसी मोटला काम कोरीन आपना दयान वचनोन गोवायी आपता रोया.

प्रेषित 14:3 Referans Kwoze

इब्रानियो 2:4

एने तिना रितीसी परमेश्वर बी तेरी मोर्जीन लारे चिन्ह चमत्कार एने भाती भातीन मोटला कामे एने पवित्र आत्मान वरदानोन वाटनेन लारे तेरी गोवायी आप्यू.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

1 थिस्सलुनीकियो 2:2

पुन तुमुक खुदो काजे मालूम छे कि फिलीप्पीमा दुख भुगतने एने तोकलीत सोहोन कोरणे पोर बी परमेश्वर आमुक ओसी हिंमत आप्यू, कि परमेश्वरोन वारली खोबरोन भारी खिलाप होयतेली ते बी तुमुक सोमवाळ्या.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

मरकुस 16:20

एने चे निकवीन होर जागे प्रचार कोऱ्या, एने प्रभू तिंदरे साते काम कोरतू रोयू एने तीना चिन्हान लारे यो साते-साते होयतो होतो, वचन काजे मजबूत कोरतू रोयू आमेन.

प्रेषित 5:32

इनी वातोन गोवा छे तोसोत पवित्र आत्मा बी जीनाक परमेश्वर तीनुक आपलु छे जे तेरी आग्या मानतला छे.

प्रेषित 2:22

हे मारा दोस्त इस्राईल जे वाते सोमवू, कि येसु नासरी माणूस होतु, जेरो परमेश्वरोनचा गोथू होयनेन सोबूत तीना ताकत वावा काम एने मोटला कामोन, एने निशाणीसी देखाळ देदू एने परमेश्वर तुमरे बिचमा तेरे लारे कोरीन देखाळ्यू, जीना काजे तुमु खुद जानतेला छे.

प्रेषित 13:46

तेत्यार पौलुस एने बरनाबास हिंमतसी कोया, “यो होयनोत होतो कि परमेश्वरोन वचन पेहेले तुमु काजे सोमवाळ देता बाकीन इनान कोरता कि तुमु तेरी नि सोमवतला एने आपना खुदो काजे ओमोर जीवनोन जाणेन लायकी नी कोरतेला ती आमु दिसरा देसोमा जाता होता.”

योहान 4:48

येसु तीना काजे कोयू, “जेतार तोक तुमु चमत्कार एने मोटला काम नि देखे तेत्यार तोक कोबी बी भुरसू नि कोरे.”

प्रेषित 4:31

जेतार चे प्रार्थना कोर लेदा, ती तिने जागे जां चे एखठा होता हाल गोया एने चे आखा पवित्र आत्मासी भोराय गोया एने परमेश्वरोन वचन मन लागाळीन सोमवता गोया.