प्रेषित 12:7 - बारेली पावरी

⁷ एने देखू प्रभून एक सोरग दूत आयु एने तिना खुलीमा विजावो चोमक्यो एने चू पतरसोन पासवी पोर हात लागाळीन तीनाक जागाळ्यु एने कोयू “साटू उठ एने तेरो हातोमायला साकव्या निकवीन पोळ गोया.”

प्रेषित 12:7 Referans Kwoze

प्रेषित 5:19

बाकीन राती परमेश्वरोन एक सोरग दूत बंदी वाळान झोपलु उगाळीन तीनु काजे बारथे लावीन कोयू.

प्रेषित 16:26

ओतरामा एक मोटात भूकंप होयू, न्या तोक कि बोंदी जेलोन पायु हाल गोयू एने तेत्यारुत आखा झोपला उगळी गोया; एने आखान बंधन छुट गोयो.

प्रेषित 10:30

कुरनेलियुस कोयू, “इनी टेमे पुरा चार दाहळा होय गोया, मी आपना घोरोमा तिसरे प्रहर प्रार्थना कोरतू होतु; ती देख्यू एक चमक्या छिंदरा पेहेरीन मार सामने आवीन उभू रोय गोयू.”

इफिसीयो 5:14

इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”

प्रेषित 2:24

बाकीन तीना काजे परमेश्वर मोरनेमा गोथो बंधनमा गोथू बुलाळीन जीवाळ्यु, काहाकि यो होयने वावू होतो कि चू तेरे ताबामा रोयतू.

लुका 24:4

जेतार चे इनी वातोसी शोंकामा होता ती देख्या, दुय माणसे चोमोकने वावा डोगला पेहेरीन तिंदरे साते आवीन उभा रोया.

लुका 2:9

एने प्रभून एक दूत तिंदरेनचा आवीन उबरोयू, एने प्रभून विजावो तिंदरे चारू धोळे चोमक्यो, एने चे घोना जुदा बिह गोया.

प्रेषित 12:23

तिने टेमे प्रभून एक दूत तीनाक देदु काहाकि चू परमेश्वरोन महिमा नि आप्यू तिनान डीलोमा किडा पोड गोया एने चू दोम छुळ देदु,

प्रेषित 9:3

बाकीन चू चालतु-चालतु जेतार चू दमिश्कोन साते पुग गोयू, ती उचकालुन, सोरगोमा गोथा तेरे चारू धोळे विजावू चोमके.

प्रकाशित वाक्य 18:1

हेरेन ओवतेन एक सोरग दूतो काजे सोरग गोथू उतरतेलु देख्यू, जीनाक मोटलु होक जोळलु होतु; एने कोवी तेरे विजावासी चोमकी उठी.

इब्रानियो 1:14

काय चे आखान सेवा चाकरी कोरणे वावी आत्मा नि होय? जे छुटकारू लेनेवावान कोरता सेवा कोरणेन कोरता मुकलाय गोयला छे.

प्रेषित 12:6

जेतार हेरोद तीना काजे माणसोन सामने बारथे लावणे वावू होतु तिने राती पतरस दुय साकवोसी बांदायू, दुय सीपायळान इचमा सुव रोयू होतु एने राखवाव्या बंदी वाळान राखवावी कोरता होता.

मत्ती 2:13

चे जाणेन ओवतेन प्रभून एक दूत सोपनामा युसूफ काजे देखाय पोळ्यु ने कोयू, उठ, इना पुऱ्या काजे एने तेरी आया काजे लीन मिसर देसोमा ढास जा; एने जेतार तोक मी तुसे काजे नि कोयो, तेत्यार तोक चांत रोयजी; काहाकि हेरोद इना पुऱ्या काजे हेरने वावु छे माराय देसे.

प्रेषित 12:8

सोरग दूत तीना काजे कोयू, “कोळ्यो बांध एने तारा खासळा पेहेर” चू तोसुत कोऱ्यु ओवतेन चू तीना काजे कोयू “तारा डोगला पेहेरीन मारे पोछोव आव.”