प्रेषित 12:5 - बारेली पावरी

⁵ इना रितीसी पतरस बंदी वाळामा मेक देदा, बाकीन मंडवी तेरेन कोरता परमेश्वरोनचा मोन लागाळीन एकजूट होयीन प्रार्थना कोरता होता.

प्रेषित 12:5 Referans Kwoze

1 कुरीन्थियो 12:26

इनान कोरता ओगर एक डील तोकलीत झेले, ती आखा डील तेरे पुठी तोकलीत झेलतला; एने ओगर एक डीलोन स्तुती होयतेली, ती तेरे पुठी आखो डील खुशी कोरतेला.

याकुब 5:16

तेरेन कोरता तुमु आपनेमा एक दिसरान ओगोव आपना-आपना पापो काजे मान लेवू, एने एक दिसरा कोरता प्रार्थना कोरु, कि वारू होय जासे धरमी जनोन प्रार्थनासी सब काय होय सकतलो छे.

1 थिस्सलुनीकियो 5:17

हमेशा प्रार्थनामा लागला रोयू.

2 कुरीन्थियो 1:11

तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.

मत्ती 18:19

एने मे तुमु काजे कोयो, कोदि तुमरे मायीन दुय जोना धोरती पोर काहनीस वातोन कोरता एक मोन होयीन तीनाक मांगे, ती चो मारे बासो जुव गोथो जू सोरगोमा छे, तिंदरेन कोरता होय जासे.

इब्रानियो 13:3

बंधनमा जेलमा छे तिंदरी फोम कोरु जोसा तुमु बी तिंदरे साते जेलमा छे, एने तिंदरा विचार कोरु जिंदरे साते दुय कावार कोरे काहाकि तुमरो बी डील छे.

प्रेषित 12:12

जेतार तीना काजे यो मालूम होय तिना योहानोन आव मरीयमन घोर गोयू जीनाक मरकुस बी कोयता होता चा घोन सोवटा माणसे एखठा होयीन प्रार्थना कोर रोया होता.

लुका 18:1

ओवतेन येसु एरा बारामा कि, हमेशा प्रार्थना कोरणे एने हिंमत नि छुळनो जुवे, तीनुक यु दाखलू कोयू.

प्रेषित 12:4

एने चे तीना काजे धोरीन बंदी वाळामा मेक देदा एने चार-चार सेनान चार तुकडीन पहरा इना रितीसी मेक्या कि वोलांडोनोन टेमे तीनाक बारथे माणसो सामने लावाय जाय.

प्रेषित 12:6

जेतार हेरोद तीना काजे माणसोन सामने बारथे लावणे वावू होतु तिने राती पतरस दुय साकवोसी बांदायू, दुय सीपायळान इचमा सुव रोयू होतु एने राखवाव्या बंदी वाळान राखवावी कोरता होता.