प्रेषित 1:16 - बारेली पावरी

¹⁶ “हे भाशो, जोरुरी होतो कि पवित्र शास्त्रन चू लेख पुरू होये जो पवित्र आत्मा दाऊदन मुखोसी यहुदान बारामा, यो येसुन धोरावनेन अगोववान्यू होतु, पेहेले गोथो कोयलो होतो.

प्रेषित 1:16 Referans Kwoze

योहान 13:18

मे तुमुक आखान बारामा नि कोयतू; जीनुक मी नेवाळ देदलु छे, तीनुक मे उवखतलु; बाकीन चू इनान कोरता छे कि पवित्र शास्त्रान यो वचन पुरो होये; यु मारू रुटू खादला, चे मार पोर लात देखाळे.

प्रेषित 1:20

भजन संहितान किताबमा लिखलो छे, तेरो घोर उजळी जाय, एने तीनामा कुदू नि वोसे, एने तेरो पोद कुदु दिसरू ली लेये.

मत्ती 26:56

बाकीन यो आखो इनान कोरता होयो कि भविष्य कोरतान वचन पुरो होये तेत्यार आखा चेला तीना काजे छुळीन दोवळी पोळ्या.

मत्ती 26:54

बाकीन पवित्र शास्त्रान जी वाते ओसोत जोरुरी छे, कोसो पुरो होयसे?”

मत्ती 26:47

चू जो कोय रोयू होतु कि यहुदा जू बारामायलु एक होतु आव्यु, एने तेरे साते प्रधान पुजारू एने माणसो मायला डाहला पुढारी, इंदरे तोरोफसी मोटीत गोरदी तलवाऱ्या एने लाकळ्या लीन आव्या.

1 पतरस 1:11

हीनु काजे इना वातोन हेर कोऱ्या कि मसिहन आत्मा जी तिंदरेमा होती, एने पहेले गोथो मसिहन दुखोंचा तेरेन ओवते होयने वावी महिमान गोवायी आपतू होतु, चू कानला एने काहना टेमोन इशारू कोरलु होतु.

मरकुस 14:43

येसु यो कोयनेत बाज रोयू होतु कि यहुदा जू बारा जोना मायलु एक होतु, आपने साते प्रधान पुजारू एने शास्त्री एने पुढारीनचा गोथी एक मोटीत गोरदी लीन तेत्यारुत आव लाग्यू, जे तलवाऱ्या एने लाकळ्या ली रोया होता.

2 पतरस 2:21

काहाकि धारमिकता वाट नि जाननो यित तिंदरेन कोरता इंदरेन गोथा वारलो होता कि तीनाक उखीन, तिनी चुखली आग्यासी फिर जाता जे इनुक आप देतला होता.

प्रेषित 23:6

तेत्यार पौलुस यो सोमवीन कि एक तुमरी सदुकीन एने दिसरो फरुशीन छे महासभामा आयळीन कोया, “हे भाशो मे फरुशी एने फरुशीन पिढीन छे, मोरलान आस एने जीव उठनेन बारामा मारू नियाव चालू छे.”

प्रेषित 23:1

पौलुस महासभान भूनी टोक लागाळीन देखतू जायीन कोयू, “भाशो मे आज तोक परमेश्वर कोरता वारला मोनोसी जीवन जोगलु छे.”

प्रेषित 22:1

“भाशो एने डाहला माणसो मारो जोवाब सोमवू, जीना काजे मे तुमरे सामने जोवाब आपो.”

प्रेषित 15:7

आखो झोगळू होय गोयो तेत्यार पतरस उबरोयीन तीनु काजे कोयू “हे भाशो, तुमुक मालूम छे घोणा सोवटा दाहळा होया, परमेश्वर तुमरेमा गोथू नेवाळलु छे कि मारा मुयोसी दिसरा जातीन माणसे वारली खोबर सोमवे एने भुरसू कोरे.

प्रेषित 13:38

इनान कोरता हे भाशो तुमु यो सोमजी लेवू कि इनान लारे पापोन माफीन वारली वाते कोय रोया.

प्रेषित 13:15

तेत्यार नियम शास्त्र एने भविष्य कोरतान किताब भोननेन ओवतेन प्रार्थनान घोरोन सरदार तिंदरेचा कोय मुकल्या, “हे भाशो अगर माणसोक प्रचार कोरणे कोरता तुमरा मोनोमा काहीन होय ती कोयू.”

प्रेषित 7:2

स्तेफन कोयू “हे भाशो, एने बासो सोमवू आपनु बास अब्राहाम हराण मा बोसनेन पेहेले जेतार मेसोपटेमीयामा होता; ती विजावू परमेश्वर तीनाक दर्शन आप्यू.

प्रेषित 2:37

चे जेतार यो सोमव्या ती तिंदरा मोन भोराय गोयो एने चे पतरस एने दिसरा प्रेषितोन काजे पुछ्ने बाज गोयो “भाशो आमु काय कोरजे?”

प्रेषित 2:23

तिना येसु काजे जू परमेश्वरोन ठेरावलु योजना एने पेहेली ग्यानोन अनसारे धोराय गोयू तुमु अधोरमीन हातोसी ख्रुस पोर चोळावीन मार देदा.

योहान 19:36

ये वाते एरेन कोरता होया कि पवित्र शास्त्रम जो कोलो छे चो पुरो होये, “तेरी काहनली हाडकी तुडाय नि जाय.”

योहान 10:35

ओगर चे तीनाक परमेश्वर कोया जिंदरेनचा परमेश्वरोन वचन पुग्यो (एने पवित्र शास्त्रान वात झुटी नि होय सोकतली),

लुका 22:47

चू यो कोयतुत होतु कि एक गोरदीन टूवू आव्यु, एने तीनु बारा जोनामा गोथू एक जेरो नाव यहुदा होतो तिंदरे ओगोव-ओगोव आव रयु होतु चू येसुनचा आयु कि तेरु गुवू लेये.

मरकुस 12:36

दाऊद खुद पवित्र आत्मामा रोयीन कोयलु छे, प्रभू मारा प्रभू काजे कोयू, “मारे जेवळे बोस, जेतार तोक कि मे तारा दुष्मोन काजे तारा पायोन पीढी नी कर दोम.”

प्रेषित 28:25

जेतार चे एक दिसरा साते सोमजोता नि होया, तेत्यार चे पौलुसोन इना एक वात काजे कोयने पोर चे जात रोया, “पवित्र आत्मा, यशयाह भविष्य कोरतान लारे तुमरा डाहा-डाहा सी वारूत कोया.”

प्रेषित 28:17

ओवतेन ओसो होयो कि तीन दाहळान ओवतेन चू यहुदियान डाहला माणूस काजे बुलाव्यू जेतार चे एखठा होया ती चू तीनु काजे कोयू “भाशो कोदि माईन मे आपनी जाती एने आपना डाहलान रिती रिवाजोन खिलाप काहनाबी नि कोऱ्यु, ते बी मे यरुशलेममा गोथु धोरायीन रोमीन हातोमा आपी देदा.”

प्रेषित 15:13

जेतार चे हुगा होय गोया तेतार याकुब कोयने बाज गोयू, “भाशो मारी सोमवू”.

मत्ती 26:14

तेत्यार यहुदा इस्कारीयोत जू बारा चेला मायलु एक होतु, प्रधान पुजारानचा जायीन कोयू.

योहान 17:12

जेतार मे हिंदरे पुठी होतु, ती मे तारा तीना नावोसी, जो तू मेसेक आपलु छे तिनान राखवावी कोऱ्यु. मी तेरी पुस-पास कोऱ्यु, एने नाशोन पुऱ्या काजे छुळीन तिंदरेमा गोथू मोटलु नाश नी होय, इनान कोरता कि पवित्र शास्त्रामा जो कोवाय गोयलो चो पुरो होये.

2 पतरस 1:21

काहाकि खुद बी भविष्यवाणी माणसोन मोर्जी सि कुदुबी नी होये, बाकीन भक्त जोन पवित्र आत्मान लारे उबा रोयता जाईन परमेश्वरोनचा बुलता होता.