प्रेषित 1:11 - बारेली पावरी

¹¹ एने तीनु काजे कोया, “हे गलीली माणसो तुमु काहा उबरोयीन सोरगोमा देखता रोया? युत येसु तुमरेनचा गोथू सोरगोम चूटायु गोयलु छे जोसा तुमु तीना काजे सोरगोमा जातलू देख्या, तोसुच चू पोछु आवसे.”

प्रेषित 1:11 Referans Kwoze

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

1 थिस्सलुनीकियो 4:16

काहाकि प्रभू एक सोरगो गोथू उतरसे; तिने टेमे ललकार, एने प्रधान दुतोन वात सोमवाय जासे, एने परमेश्वरोन फेपाऱ्यो फुकाय जासे; एने जे मसिहमा मोरला छे, चे पेहेले जीव उठसे.

मरकुस 13:26

तेत्यार माणसे माणसोन पुऱ्या काजे मोटी ताकत एने महीमा साते वादवामा आवतेलु देखसे.

योहान 14:3

एने ओगर मी जायीन तुमरेन कोरता जागू तीयार कोरो, ती पोछु आवीन तुमु काजे मारेंचा लीन जायीस कि जा मी रोयीस चा तुमु बी रोये.

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मत्ती 24:30

तेत्यार माणसोन पुऱ्यान चिन्ह सोरगोमा देखायसे, एने तेत्यार धोरतीन आखा जातीन माणसे छाती ठुकसे; एने माणसोन पुऱ्याक मोटो ताकतसी महिमा पुठी सोरगोन वादवोपोर आवतेलु देखसे.

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

लुका 21:27

तेत्यार चे माणसोन पुऱ्याक ताकत एने मोटली महिमा साते वादवा पोर आवतेलु देखायसे.

प्रेषित 13:31

एने जे तिंदरे साते गलीली गोथा यरुशलेम आवला होता तीनु पोर घोणा सोवटा दाहळा तोक देखतू गोयू, जे चेत छे हिमी माणसो सामने तेरा गोवा छे.

लुका 24:5

जेतार चे बिह गोया एने धोरती भूनी मुई वाकाड रोया ती चे तीनाक कोया, “तुमु जीवतला काजे मोरलामा काहा हेरे रोया?

प्रेषित 3:12

बाकीन पतरस जे देख्यू ती चू माणसो काजे कोयू, “हे इस्राईल तुमु काहा नोवलायी कोर रोया एने आमरे भूनी काहा ओसा एक सारखा देख रोया आमु आपनी प्रार्थनान ताकतसी एने ताकतसी इना माणसोक चालनेन लायक बोनाव देदा.

प्रेषित 2:7

चे आखा वाहरायीन कोयने बाज गोया, “देखू जे बुलने बाज रोया काय गलीलोन नी होय?”

मरकुस 14:70

बाकीन चू ओवी नाकार कोऱ्यु थुलिक वारमा चे जे साते उबरोय रोया होता ओवी पतरस काजे कोया, “छाचलीन तू तिंदरे मायलु एक छे; काहाकि तू गलीली बी छे.”

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

प्रेषित 1:2

तिने दाहळे तोक जेतार चू तीनु सेवक काजे जीनुक चू नेवाळलु होतु पवित्र आत्मान लारे आग्या

प्रेषित 1:9

यो कोयीन चू तिंदरे देखते-देखते उपोर चूटायु गोयू एने वादवो तीनाक तिंदरे नोजोरमा गोथू डुकाळ लेदू.

प्रेषित 1:22

वारू छे कि तिंदरेमा गोथू एक माणूस बाप्तिस्मा आपने वावु योहान आमरे साते तेरे जीव उठनेन गोवा होय जाय.

प्रेषित 3:21

एने सोरगोम तिनी टेम तोक रोयनु छे जेतार तोक कि चू आखा चीजोन पोसला सुधारनेण वाते पेहेले गोथा परमेश्वर आपना चुखला भविष्य कोरतान मुखोसी कोयलु छे,

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.