2 तीमथी 1:6 - बारेली पावरी

⁶ इनान वोजेसी मे तुसेक फोम देवाळो कि तू परमेश्वरोन इना वरदान काजे जे मारे हाते मेकनेन लारे तुसेक जोळला छे विजावो कोर दे.

2 तीमथी 1:6 Referans Kwoze

1 तीमथी 4:14

हीना वरदानोन कोरता जू तार पुठी छे एने भविष्यवाणी पुठी डाह-डाहान हात मेकनेन टेमे तुसेक जोळलो होतो, बे फिकर मा रोये.

1 थिस्सलुनीकियो 5:19

आत्मा काजे मा बिगाडू.

2 पतरस 3:1

हे मोंगावा हिमी मे तुमु काजे यो दुसरो चिट्ठी लिखलो छे, एने दुयू तुमुक फोम देवाळीन तुमरा चुखला मोनोक उबा राखो.

2 तीमथी 4:2

कि तू वचनोन प्रचार कोर, टेम एने बिना टेम पोर तीयार रोयजी, आखा भातीन सहनसिलता एने शिक्षा पुठी सिकाळ एने लोळ एने सोमजाड.

2 पतरस 1:12

इनान कोरता कोदा माईन तुमु ये वाते जानतला छे, एने यो खोरलो वचन तुमु काजे जोळ रोयो तिंदरेमा बोनता रोयू, तीबी मी तुमु काजे इनी वातोन खोबर आपनेन कोरता हमेशा तियार रोईस.

प्रेषित 19:6

जेतार पौलुस तिंदरे पोर हात मेक्यू, ती पवित्र आत्मा हिंदरे पोर उतऱ्यु, एने चे भाती-भातीन भाषा बुलने एने भविष्यवाणी कोरणे बाज गोया.

2 तीमथी 2:14

इनी वातोन फोम तीनुक आप एने प्रभून सामने जोताळ दे कि बुली पोर जोखळी नी कोरजू जीनासी काहीन फायदु नी होयतलु बाकीन सोमवने वावा विसरी जातला.

1 तीमथी 4:6

अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

लुका 19:13

चू आपना पावोर मायला दोस जोना काजे बुलावीन दोस मोहरा आप्यू एने कोयू, “मारे पोछो आवने तोक लेन-देन कोरजू.”

यहुदा 1:5

बाकीन कोदापी तुमु आखा वाते एक कावार जान गोयला छे, ती भी मे तुमुक इनी वातोन फोम देवाळणे हिंडो कि प्रभू एक जात काजे मिसर देसोसी छुळावने बाद भुरसू नी मेकने वावा नाश कोर देदु.

इब्रानियो 6:2

एने बाप्तिस्मा, एने हात मेकने, एने मोरला काजे जीव उठने, एने ओमोरकाईन नियावोन शिक्षा तोसु पायु एने पोछो मा नाखू.

प्रेषित 6:6

तीनुक प्रेषितोन ओगोव उभराख्या एने चे प्रार्थना कोरीन तीनु पोर हात मेक्या.