2 थिस्सलुनीकियो 3:16 - बारेली पावरी

¹⁶ हिमी प्रभू जू शांतीन झोरू छे खुद ते तुमुक कायम एने होर एक भातीन शांती आपे. प्रभू तुमरे आखा साते रोये.

2 थिस्सलुनीकियो 3:16 Referans Kwoze

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

योहान 14:27

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

मत्ती 1:23

“देख, एक कुवारी भारीस होयसे एने एक पुऱ्याक जन्मो आपसे, एने तेरो नाव इम्मानुएल मेकायसे,” जेरो मतलब छे-परमेश्वर आमरे पुठी से.

रोमी 15:33

शांतीन परमेश्वर तुमरे आखान साते रोये. आमेन.

रोमी 16:20

शांतीन परमेश्वर भुतडा काजे तुमरा पायोसी मामार छेंद देसे आमरा प्रभू येसु मसिहन दया तुमरे पोर होयती रोये.

लुका 2:14

“सोरगोमा परमेश्वरोन महिमा एने धोरती पोर जीना माणसोमा चु खुश छे, शांती होये.”

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

2 तीमथी 4:22

प्रभू तरी आत्मान पुठी रोये तार पोर दया होयतू रोये.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

मत्ती 28:20

एने चे आखा वाते जो मे तुमु काजे आग्या आपलु छे, मानने सिकाळ एने देखू, मे जोगोन आखरी तोक कायम तुमरे साते छे.”

फिलेमोन 1:25

आमरा प्रभू येसुन मसिहन दया तुमरा आत्मा पोर होती रोये. आमेन.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

इब्रानियो 7:2

इना काजे अब्राहाम तेरी आखा चीजोन दाहवू हिस्सू बी आप्यू. यो पेहेले खुदोन नावोन मतलबोन अनसारे, धोरमोन राजा एने शालेम राजा मतलब शांतीन राजा छे.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

1 कुरीन्थियो 14:33

काहाकि परमेश्वर गळबळवावू नी होय, बाकीन शांतीन परमेश्वर छे जोसा चुखला माणसोन आखा मंडव्या छे.

2 थिस्सलुनीकियो 3:18

आमरा प्रभून येसु मसिहन दया आमरा आखापोर होयती रोये.

इफिसीयो 6:23

परमेश्वर बास एने प्रभू येसु मसिहन भूनी गोथो भाशो काजे शांती एने भुरसा पुठी मोंग जोळे.

1 थिस्सलुनीकियो 3:11

हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;