2 थिस्सलुनीकियो 2:14 - बारेली पावरी

¹⁴ जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

2 थिस्सलुनीकियो 2:14 Referans Kwoze

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

रोमी 8:17

एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

2 तीमथी 2:12

अगर आमु धीरोज धोरीन रोयता रोयजू ती तेरे साथे राज बी कोरसु अगर आमु तेरु इनकार कोरतेलू ती चू भी आमु इनकार कोरतू चू भी आमु इनकार कोरसे.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 2:16

जीने दाहळे परमेश्वर मारा वारली खोबरोन अनसारे येसु मसिहन लारे माणसोन डूकायला वातोन नियाव कोरसे.

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 17:22

ची महिमा जी तू मेसेक आपलु ची मे हिनुक आपलु छे, कि चे तोसाच एक होये जोसा कि आमु एक छे,

मत्ती 25:21

तेरु माहाराज तिना काजे कोयू, “सोयावा वारला एने भुरसान लायक पावोर, तू थुलाकमा भुरसान लायक रोयू; मे तुसेक घोणा सोवटा चीजोन अधिकारी बोनावीस, आपना महाराजोन खुशीमा सहभागी होय जा.”

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.