2 पतरस 2:4 - बारेली पावरी

⁴ काहाकि जेतार परमेश्वर तिना सोरग दूत काजे जे पाप कोरला नि होय छुळयु, बाकीन नोरोकोमा आंदारला कुंडामा नाख देदु, काहाकि नियावन दाहळे तोक बांदायला रोयसे.

2 पतरस 2:4 Referans Kwoze

यहुदा 1:6

ओवतेन जे सोरग दूते आपना पोदो काजे जागेत नी राख्या नी तेत्यार आपना नेचला रोयने काजे छुळ देदा, चे इनुक बी तिना भाशोन दाहळान नियावोन कोरता आंदारलामा, जू ओमोरकाईन कावोन कोरता छे, बांदलो राखलु छे.

मत्ती 25:41

“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

लुका 10:18

येसु तीनु काजे कोयू, मे भुतडा काजे विजवीन तोसु सोरगोमा गोथू पोळतेलु देख रोयू होतु.

1 योहान 3:8

जू कुदू पाप कोरतेलु छे चू भुतडा जुव गोथो छे काहाकि भुतडू सुरुसी पाप कोरतू आवलु छे, परमेश्वरोन पुऱ्यु इनान कोरता प्रगट होयू कि भुतडान कामोन नाश कोरु.

2 पतरस 2:11

ते बी सोरग दूत बी जी शक्ती एने ताकत मा तिंदरेसी मोटला छे प्रभू ओगोव तीनुक बुराई कोरीन गुणू नी लागाळतला.

2 पतरस 2:5

एने जूनला वारान जोगो काजे बी नी छुळ्या, नि तेत्यार भक्तीहीन जोगो पोर मोटला जलप्रलय मूकल्यु, बाकीन धर्मान प्रचार कोरणे वावू नुहा साते आठ जोनाक वाचाड लेदू;.

लुका 8:31

चे तीनाक विनता कोऱ्या कि आमु काजे उंडा खाडामा जाणेन आग्या मा आपे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

मरकुस 5:7

एने उचेत ओवाजसी आयळीन कोयू, “हे येसु, परमप्रधान परमेश्वरोन पुऱ्या, मेसेक तारेसी काय काम? मे तुसे काजे परमेश्वरोन कोसोम आपो कि मेसेक तोकलीत मा आपे.”

मत्ती 8:29

देखू, चे आयळीन कोया, “हे परमेश्वरोन पुऱ्या, आमरो तारे साते काय काम? काय तू टेमोन पेहले आमुक दुख आपने आव रोयू?”

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.

2 पतरस 2:9

तीबी भक्त काजे पारोखमा गोथू वाचाड लेणे एने अधोरमी काजे नियावोन दाहळे तोक दोंडोन हालोतमा राखणे बी जानतलु छे.

रोमी 11:21

काहाकि जेतार परमेश्वर आपसात डाव्या काजे नि छुळ्यु ती तुसेक बी नि छुळे.