2 पतरस 2:20 - बारेली पावरी

²⁰ जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

2 पतरस 2:20 Referans Kwoze

फिलिप्पि 3:19

तिंदरो आखरी नाश छे एने धोरतीन चीजो पोर मोन लागाळला रोयतला छे.

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

2 पतरस 1:2

परमेश्वरोन जू आमरा प्रभून येसुन उवखोन लारे दया एने शांती तुमरेमा जादा कोरीन बोडती जाय.

2 तीमथी 2:4

जेतार काहनलु योद्धा लोळायमा जातलु ती तिनान कोरता कि आपनी भोरती कोरणे वावा काजे खुश कोरे खुदो काजे संसारोन कामोमा नी फोसाळतू,

याकुब 1:27

आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

2 पतरस 1:8

काहाकि कोबी चे वाते तुमरेमा चालू कावोमा रोये एने बोढती रोये, ती तुमुक आमरे प्रभू येसु मसिहन उवखोमा रिकामा एने बिना फोवोन नि होयने देय.

2 पतरस 1:11

नि तेत्यार इना रितीसी तुमु आमरा प्रभू एने छुटकारू आपने वावु येसु मसिहन ओमोर राजमा मोटला आदोर साते जासु.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.