2 पतरस 2:10 - बारेली पावरी

¹⁰ विशेष कोरीन तीनु काजे यो खिलाप लालचोन पोछोव, डीलोन लारे चालतला एने ओसोर काजे विटोव मानतला चे ठीक एने हट्टी छे एने उचला पोदो वावा काजे भुंडला कोयनासी नि बिहीतेला.

2 पतरस 2:10 Referans Kwoze

यहुदा 1:16

ये ते असनतूष्ट कुरकुर कोरणे वावा एने आपना भुंडला मोर्जीन अनसारे चालने वावा छे, एने आपना मुयोसी मोटायन वाते बुलतला छे एने चे फायदान कोरता मुये देखीन बोढाई कोरतेला छे.

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

यहुदा 1:18

चे तुमु काजे कोया कोरता होता, “पोछला दाहळामा ओसला मोजाक कोरने वावा होयसे जे आपना भोक्ती नी कोरणे वावान भुंडला मोर्जीन अनसारे चालसे.”

2 पतरस 3:3

पेहेले यो जान लेवू कि आखरी दाहळामा हासी मोजाक उळावने वावा आवसे जो आपनी भुंडली मोर्जीन लारे चालसे.

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.

इफिसीयो 5:5

काहाकि तुमुक यो मालूम छे कि कुदा व्यभिचारोन नीती लालूच वावा माणसोक जे मूर्ती पुजान बरोबर छे मसिहन एने परमेश्वरोन राजमा वाटू नी होय.

लुका 19:14

बाकीन तेरा देसोन रोयने वावा तीना पोर दुष्मोनी कोरता होता, एने तेरे पोछोव वोकीलोन लारे कोय मुकल्या, आमुक यो नि पोटे कि यु आमरेपोर राज कोरे.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

1 कुरीन्थियो 6:9

काय तुमु नी जानता कि अन्याय कोरण्या माणसे परमेश्वरोन राजोन वारीस नी रोये? धोकू मा खावू; नी वेश्या गमन, नी मूर्ती पुजान, नी परस्त्रीगमन, नी लुचळाय, नी पुरूश गामी,

प्रेषित 23:5

पौलुस कोयू “हे भाशो, मेसेक नि मालूम कि यु महायाजक छे काहाकि लिखलो छे, आपना माणसोन अधिकारी काजे बुरो नि कोयनो.”

1 थिस्सलुनीकियो 4:7

काहाकि परमेश्वर आमु काजे भुंडला होयनेन कोरता नि बाकीन चुखला होयनेन कोरता बुलावलु छे.

2 कुरीन्थियो 10:3

काहाकि हांजू तोक आमु डीलोसी चालतला फिरतेला, ते बी डीलोन अनसारे नि लोळतेला.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

इफिसीयो 4:19

एने चे हुगा होयीन लुचळायमा लाग गोयला छे कि आखा भातीन भुंडला काम लालचसी कोऱ्या कोरे.

2 तीमथी 3:2

काहाकि माणूस मोतलोबी, लालची, मोटायकी, बुराई कोरणे वावू, आसी बासोन आग्या टावने वावू भुंडलु, अपवित्र.

लुका 11:25

एने जायीन तीनाक बाहारलो सापसुतरो एने घाटावो देखतेली.