2 पतरस 1:9 - बारेली पावरी

⁹ काहाकि जेरेमा ये वाते नि होय, चू आंदवू छे एने धुंदवोस देखतलु, एने आपना पेहेला पापो काजे धुवीन चुखलो होयनेन कोरता विसरी गोयू.

2 पतरस 1:9 Referans Kwoze

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इफिसीयो 5:26

कि तीनु काजे वचनोन लारे पाणीसी चुखो कोरीन पवित्र बोनावू.

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

गलातियों 5:13

हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

लुका 18:22

यो सोमवीन येसु तीना काजे कोयू, “तारेमा हिमी बी एक वातोन कोमी छे, आपनो आखो काय वेचीन गोरीब काजे वाट दे, एने तुसेक सोरगोम धोन जूळसे एने आवीन मारे पोछोव.”

मरकुस 10:21

येसु तिना पोर नोजोर नाखीन तीना पोर मोंग कोऱ्यु, एने तीना काजे कोयू, “तारेमा एक वातोन कोमी छे जा जो काहीन तारो छे तीना काजे वेचीन गोरीबो काजे आप दे, एने तुसे काजे सोरगोमा धोन जोळसे, एने आवीन मार पोछोव चाल.”

प्रकाशित वाक्य 3:17

तू कोये कि मे मालदार छे एने धोनवान होय गोयलु छे, मेसेक कानला चीजोन कोमी नी होय; एने यो नी जानतू कि तू अभागा एने वीटवलु गोरीब एने आंदवू एने उगाळलु छे.