2 पतरस 1:11 - बारेली पावरी

¹¹ नि तेत्यार इना रितीसी तुमु आमरा प्रभू एने छुटकारू आपने वावु येसु मसिहन ओमोर राजमा मोटला आदोर साते जासु.

2 पतरस 1:11 Referans Kwoze

प्रकाशित वाक्य 5:10

एने तीनुक आमरा परमेश्वरोन कोरता एक राज एने पुजारू बोनाव्यू; एने चे कोवी पोर राज कोरतेला छे.”

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

इब्रानियो 6:17

इना रितीसी जेतार परमेश्वर वायदान वारीस पोर एने बी साफ रितीसी प्रकट कोरणे चाह्यु कि तेरा उद्देश नि बोदले, ती कोसोम काजे इचमा लाव्या.

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

योहान 10:10

चुटू काहीन ओवी दिसरा कामोन कोरता नि बाकीन निस्तु चुरी कोरणे, एने घात कोरणे एने खोतम कोरनेन कोरता आवतेलु छे; मे इनान कोरता आव रोयू कि तीनुक जीवन जोळे, एने घोना सोवटा काजे जोळे.

इफिसीयो 3:20

हिमी जो ताकत वावू छे कि आमरी विनता एने समज सी घोन सोवटो काम कर सोकतलु, तिना ताकत अनसारे जो आपनेमा काम कोरे.

2 कुरीन्थियो 5:1

काहाकि आमु काजे मालूम छे कि जेतार आपनो धोरती पोर मोंडप सारखो घोर पाळाय जासे ती आपनुक परमेश्वर तोरोफसी सोरगोमा एक ओसो घोर जोळसे जो हाते कोरीन बोनावलो घोर नी होय बाकीन ओमोरकाईन छे.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

1 कुरीन्थियो 15:24

तेरे आवनेन आखरी सोर जासे, तिनी टेमे आखा राजाधिराज एने आखो होक एने ताकत खतम कोरीन राज्य काजे परमेश्वर बासोन हातोमा सोप देसे.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

2 तीमथी 4:18

एने प्रभू मेसेक हर एक भुंडला काम से वाचाडसे एने हेरा सोरगोन राजमा ठीक-ठाक पुगाळने हेरी महिमा पिढ्यान पिढ्या होती रोये. आमेन.

2 पतरस 1:5

इनान वजेसी तुमु आखा भातीन कोशिश कोरीन आपना भुरसा पोर वारला गुणे एने वारला गुणोपोर सोमज,

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.