2 कुरीन्थियो 7:10 - बारेली पावरी

¹⁰ काहाकि परमेश्वर भोक्तीन दुख ओसो पसतावू पोयदा कोरलु छे, जेरो ओसोर छुटकारू छे, एने ओवी तिनासी पोसतावू कोरणो नि पोळे बाकीन जोगोन दुखसी मोरोन पोयदा होयतेलो.

2 कुरीन्थियो 7:10 Referans Kwoze

प्रेषित 3:19

इनान कोरता पश्चताप कोरु एने पोसा फिरू कि तुमरा पापे ढाकाय जाय जीनासी कि प्रभू परमेश्वरोन सामने सुख आरामोन दाहळा आवसे.

प्रेषित 11:18

चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.

लुका 18:13

बाकीन फावू लेणे वावु नांबेत उभू रोयीण, सोरगो भूनी एने डूवा उपोर कोरीन बी देखणे नि कोऱ्यु, पुन खुदोन छाती पोर ठुकीन कोयू, ‘हे प्रभू मे पापी छे मार पोर दया कोर,’

लुका 15:10

मे तुमु काजे कोयो कि इना रितीसी एक पसतावू कोरणे वावा पापीन बारामा परमेश्वरोन सोरग दूतोन सामने खुशी होयतेली.

इब्रानियो 12:17

तुमुक मालूम छे कि तेरे ओवतेन जेतार चू आशिष लेनेन कोऱ्यु ती लायक नी ठेहऱ्यु एने आसा वोयाळीन हेरनेपोर बी तीना काजे पसतावू कोरणेन टेम तोक नी जोळी.

2 कुरीन्थियो 12:21

एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.

मत्ती 26:75

तेत्यार पतरस काजे येसुन कोयली वात फोम आवी कुकळू वासने पेहेले तू तीन कावार मारू इनकार कोरिस एने चू बारथे जायीन ढसा-ढसा रोड्यू.

2 कुरीन्थियो 7:9

हिमी मे खुशीमा छे बाकीन इनान कोरता नि कि तुमु काजे दुख होयो, बाकीन इनान कोरता कि तुमु तिना दुखोन वजेसी मोन फिराव्या, काहाकि तुमरो दुख परमेश्वरोन मोर्जीन अनसारे होतो कि आमरे तोरोफसी काहणी वातोमा नुकसान नि होयो,