2 कुरीन्थियो 1:11 - बारेली पावरी

¹¹ तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.

2 कुरीन्थियो 1:11 Referans Kwoze

फिलिप्पि 1:19

काहाकि मेसेक मालूम छे कि तुमरी प्रार्थनान लारे, एने येसु मसिहन आत्मान दानोन लारे, एरो प्रतीफोव मारो छुटकारू होयसे.

2 कुरीन्थियो 4:15

काहाकि आखा चीजे तुमरेन कोरता छे, काहाकि दया घोणा सोवटान लारे जादा होयीन परमेश्वरोन महिमान कोरता धन्यवाद भी बोढावे.

प्रेषित 12:5

इना रितीसी पतरस बंदी वाळामा मेक देदा, बाकीन मंडवी तेरेन कोरता परमेश्वरोनचा मोन लागाळीन एकजूट होयीन प्रार्थना कोरता होता.

कुलुस्सि 4:3

एने इना साते-साते आमरेन कोरता बी प्रार्थना कोरता रोयू, कि परमेश्वर आमरेन कोरता वचन सोमवाळनेन ओसू झोपलु उगाळ देदू कि आमु मसिहन तिना भेदोन वर्णन कोर सोके जिनान वजेसी मे बंदीमा छे.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.

फिलेमोन 1:22

एने यो बी कि मारेन कोरता रोयनेन जागा तीयार राख. मेसेक आस छे कि तुमरी प्रार्थना लारे मे तुमुक आपाय जाश.

2 थिस्सलुनीकियो 3:1

आखरीमा, हे भाशो, आमरेन कोरता प्रार्थना कोऱ्या कोरु कि प्रभून वचन ओसो मामार फेले एने महिमा लेये जोसो तुमरेमा होयो.

1 थिस्सलुनीकियो 5:25

हे भाशो आमरेन कोरता प्रार्थना कोरु.

2 कुरीन्थियो 9:14

एने चो तुमरेन कोरता प्रार्थना कोरतेला; एने इनान कोरता कि तुमरे पोर परमेश्वरोन घोनी सोवटी दया छे, तुमरी लालच कोरता रोयतेला छे.