2 कुरीन्थियो 1:1 - बारेली पावरी

¹ पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

2 कुरीन्थियो 1:1 Referans Kwoze

2 तीमथी 1:1

पौलुसोन तोरोफसी जू, इना जीवनोन वायदू ओनसारे मसिह येसुमा छे परमेश्वरोन मोर्जीसी मसिह येसु प्रेषितोन छे.

फिलिप्पि 1:1

मसिह येसुन सेवक पौलुस एने तीमथीन तोरोफसी, आखा चुखला माणसोन नावे जे येसु मसिहमा रोयीण फिलीप्पी देसोमा रोयता होता, पुढारी एने सेवक साते.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

गलातियों 1:1

पौलुसोन जू नी माणसोनचा गोथू एने नी माणसोन लारे, बाकीन येसु मसिह एने परमेश्वर बासोन लारे, जू तीनाक मोरलामा गोथू जीवतु कोऱ्यु प्रेषित छे.

1 कुरीन्थियो 16:10

कोबी तीमथी आव लागे, ती देखजू कि चू तुमरेनचा हिंमतसी रोये; काहाकि चू मारे सारखू प्रभून काम कोरतेलु छे.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

प्रेषित 16:1

ओवतेन चू दिरबे एने लुस्त्रमा बी गोयू, चा तीमथी नावोन एक चेलु होतु जू काहना विश्वासी यहुदिन पुऱ्यु होतु बाकीन तेरु बास युनानी होतु.

इब्रानियो 13:23

तुमु काजे यो ध्यान रोये कि आपनु भाश तीमथी काजे छुळ देदला छे अगर चू छाटू आव लाग्यू तीबी तेरे साते आवीन तुमु काजे मेवीस.

2 थिस्सलुनीकियो 1:1

पौलुस एने सिलवानुस एने तीमथीन तोरोफसी थेस्सलुनीकि देस वावान मंडवीन नावे, जू आमेरू बास परमेश्वर एने प्रभू येसु मसिहमा छे.

1 थिस्सलुनीकियो 1:1

पौलुस एने सिलवानुस एने तीमथी जुव गोथू थेस्सलुनीका काजे मंडवीन नावे जो परमेश्वर बास एने प्रभू येसु मसिहमा छे; दया एने शांती तुमुक जोळती रोये.

2 कुरीन्थियो 11:10

ओगर मसिहन खोराइ मारेमा छे कि अखाया देसोमा कुदू इनी मोटायकी काजे नी रुके.

2 कुरीन्थियो 9:2

काहाकि मेसेक तुमरा मोनोन तीयारी मालूम छे, कि जिनान वजेसी तुमरे बारामा मकीदुनीयान निवासीन सामने घोमंड देखला कि अखायान माणसे एक साल गोथा तीयार होयला छे, एने तुमरी खुशीसी एने घोना सोवटा काजे तीयार कोऱ्या.

1 कुरीन्थियो 16:15

हे भाशो, तुमु स्तेफनोन घोराना काजे जानतला छे कि अखायान पेहेलो फोव छे, एने चुखला माणसोन सेवान कोरता तीयार रोयतला छे.

1 कुरीन्थियो 10:32

तुमु नी यहुदि, नी युनानी एने नी परमेश्वरोन मंडव्या कोरता ठूकरोन वोजा बोने.

रोमी 16:21

मारा सहकरमी तीमथीन, एने मारा घोरानामा वावा लूकियुस एने यासोन एने सोसिपत्रुस तुमु काजे नमस्कार.

रोमी 16:5

इनी मंडवी काजे बी नमस्कार जे हिंदरा घोरोमा छे मारा मोंगावा इपैनितूस काजे, जू मसिहन कोरता आसियान पेहलो फोव छे, नमस्कार.

रोमी 15:26

काहाकि मकीदुनीया एने अखायान माणसो काजे यो वारू लागलो कि यरुशलेमोन पवित्र चुखला माणसोमा पोयशा नि होय ओसला वर्गणी टूवू कोरे.

1 कुरीन्थियो 16:24

मारो मोंग मसिह येसुमा तुमरे आखा साते रोये. आमेन.

2 कुरीन्थियो 1:19

काहाकि परमेश्वरोन पुऱ्यु येसु मसिह जेरो आमरे लारे मतलब मारा एने सिलवानुस एने तीमथीन लारे तुमरे इचमा प्रचार होयू, हिनामा “हाव” एने “नी” दुयू नी होता, बाकीन हिनामा “होव कि होव होय.”

2 कुरीन्थियो 1:23

मे परमेश्वर काजे गोवा कोरीन कोयो कि मे हिमी तोक कुरिन्थमा इनान कोरता नी आव्यु, कि मेसेक तुमरे पोर दया आवती होती.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

फिलेमोन 1:1

पौलुस भूनी गोथू यु मसिह येसुन बंदी छे, एने भाश एने तीमथी भूनी मोंगावू काम कोरन्यू फिलेमोन.