1 थिस्सलुनीकियो 5:18 - बारेली पावरी

¹⁸ आखा वातोमा धन्यवाद कोरु; काहाकि तुमरेन कोरता मसिह येसुमा परमेश्वरोन जीत मोर्जी छे.

1 थिस्सलुनीकियो 5:18 Referans Kwoze

इफिसीयो 5:20

एने हमेशा आखा वातोन कोरता आपना प्रभू येसुन मसिहन नावोसी परमेश्वर बासोन धन्यवाद कोरता रोयू.

फिलिप्पि 4:6

कानलीत वातोन चिंता मा कोरू; बाकीन होर एक वातोमा तुमरो मांगनो, प्रार्थना एने विनतान लारे धन्यवाद साते परमेश्वर ओगोव उबराखाय जाय.

कुलुस्सि 3:17

वचनमा नीती कामोमा जो कायबी वात कोरु आखो प्रभू येसुन नावोसी कोरु, एने तिनान लारे परमेश्वर बासोन धन्यवाद कोरु.

इब्रानियो 13:15

आखरी, आपु येसुन लारे स्तुतीन बलिदान परमेश्वर काजे हमेशा चोळाव्या कोरे मतलब तिना छुटोन फोव जो तीना नावो काजे स्वीकारला.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.

1 पतरस 2:15

काहाकि परमेश्वरोन मोर्जी जी छे कि तुमु वारलो काम कोरनेन लारे जिनाक बुद्धी नि होय, ओसला माणसे अनपडोन वाते बोंद कोर देयू.

1 योहान 2:17

जोग एने हिंदरी भुंडली मोर्जी दुयू नाश होय जातला छे पुन जू परमेश्वरोन मोर्जी पोर चालतलु छे, चू हमेशा बोनी रोयसे.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.