1 थिस्सलुनीकियो 5:10 - बारेली पावरी

¹⁰ चू आमरेन कोरता इना वोजेसी मोरलु कि आमु चाहे जागतला रोये, नीती सुवतला रोये, आखा मेवीन तेरे साते जासे.

1 थिस्सलुनीकियो 5:10 Referans Kwoze

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

रोमी 8:34

ती कून छे दोंडोन आग्या आपसे? येसु मसिह छे जू मोर गोयू, एने मोरलामा गोथू जीव उठ्यू एने परमेश्वरोन जेवळे धोळे छे एने आमरेन कोरीन मध्यस्ती बी कोर रोयू.

1 थिस्सलुनीकियो 4:17

तेत्यार आमु जे जीवतला एने वाचीन रोयसु तिंदरे साते वादवा पोर चुटाय जासु कि हवामा प्रभू काजे भेटसे; एने इना रितीसी आमु सोदा प्रभून साते रोयसु.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

2 कुरीन्थियो 5:15

एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

1 तीमथी 2:6

जू खुदो काजे आखान छुटकारान दामोमा आप देदू, एने हेरी गोवायी ठीक टेमो पोर आपाय गोयी.

1 थिस्सलुनीकियो 4:13

हे भाशो आमु नि जानतला कि तुमु तिंदरा विषयोमा जे सुवतला छे, अनपड रोये; ओसो नि होय कि तुमु दिसरान तोसो शंका कोरे जीनु काजे आस नि होय.

1 कुरीन्थियो 15:3

इनान वोजेसी मे आखान पेहेले तुमु काजे चीत वात पुगाळ देदू, जी मारेंचा पुगली होती, कि पवित्र शास्त्रान वचनोन अनसारे मसिह आमरा पापोन कोरता मोर गोयू.

योहान 15:13

एरे गोथो मोटो मोंग कुदान नि होय कि कुदू आपना दुस्तीदारोन कोरता आपनु जीव आपे.

योहान 10:17

बास इनान कोरता मारे पोर मोंग कोरतेलु कि मी आपनु जीव आपतलु छे कि तीनाक पोछु ली लेये.

योहान 10:11

वारलु गुवाव्यू मे छे; वारलु गुवाव्यू गाडरान कोरता आपनु जीव आप देतलू छे.

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

योहान 10:15

जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

1 थिस्सलुनीकियो 4:15

काहाकि आमु प्रभून वचनोन अनसारे तुमु काजे जो कोयतेला छे कि आमु जे जीवतला छे एने प्रभून आवने तोक वाचला रोयसु, मोरलामा गोथा कोबी ओगोव नि बोढसे.

1 थिस्सलुनीकियो 5:6

एरेन कोरता आपनु दिसरान तोसा सुवतोला मा रोयू, बाकीन जागला एने सावधान रोयू.

2 तीमथी 2:11

जी वात वारली छे, कि अगर आमु तेरे पुठी मोर गोयला छे, ती तेरे पुठी जीवसू.