1 थिस्सलुनीकियो 3:5 - बारेली पावरी

⁵ इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

1 थिस्सलुनीकियो 3:5 Referans Kwoze

मत्ती 4:3

ती पारखने वावू तेरे साते आवीन तीना काजे कोयू, “ओगर तू परमेश्वरोन पुऱ्यु होय, ती कोय दे, कि यु दोगळू रुटा बोन जाय.”

2 कुरीन्थियो 2:11

कि भुतडान आपनेपोर डाव नी चाले काहाकि आमु तेरे युक्ती सी अनजानला नी होय.

फिलिप्पि 2:16

कि मसिहन दाहळामा मेसेक मोटाय कोरनेन मतलब रोये कि नी मारो दोवळनो नी मारी मेहनोत कोरनो वायबार होयो.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

गलातियों 4:11

मे तुमरा बारामा बिहतेलु, कोबी ओसो नी होयलो, कि जो मेहनत मे तुमरेन कोरता कोऱ्यु ची बिना कामोन ठेहरसे.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

1 कुरीन्थियो 7:5

तुमु एक दिसरासी ओलोग मा रोयू; बाकीन निस्तो काहीन टेमे तोक आपोसमा सोम्मतीसी कि प्रार्थनान कोरता टेम जोळे, एने पोछो एक सात रोयू; ओसो नी होयनो जुवे कि टेम नी आपनेन वोजेसी भुतडू तुमुक पारखे.

1 थिस्सलुनीकियो 3:6

बाकीन हिमी तीमथीयुस, जू तुमरेनचा गोथू आमरेनचा आवलु छे, तुमरु भुरसू एने मोंगोन वारली खोबर सोमवाळ्यु एने इनी वातो काजे बी सोमवाळ्यु कि तुमु हमेशा मोंगसी आमु काजे फोम कोरतेला छे, एने आमरे देखनेन मोर्जी राखतला छे, जोसा आमु बी तुमुक देखनेन.

1 थिस्सलुनीकियो 2:1

हे भाशो, तुमु खुदो काजे मालूम छे आमरो तुमरेनचा आवनो वायबार नी होयो.

प्रेषित 15:36

थुलाक दाहळा बादमा पौलुस बरनाबास काजे कोयू जिना-जिना सोहोरोमा आपु परमेश्वरोन वचन सोमवला होता चाल आपु पोसा तीनुक भाशो काजे देखणे कि चे कोसकाय छे.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

फिलिप्पि 2:19

मेसेक प्रभू येसुमा आस छे कि मे तीमथीस काजे तुमरेनचा छाटू मुकलीस, काहाकि तुमरा हाल सोमवीन मेसेक शांती जोळे.