1 थिस्सलुनीकियो 3:13 - बारेली पावरी

¹³ काहाकि चू तुमरा मोनो काजे ओसू पाकु कोरे कि जेतार आमरू प्रभू येसु आपना आखा चुखला माणसो साते आवे, ती चे आमरा परमेश्वर एने बासो सामने चुखलामा निरदोष ठेराये.

1 थिस्सलुनीकियो 3:13 Referans Kwoze

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

कुलुस्सि 1:22

चू हिमी तेरो शारीरिक डीलोमा मोरोनोन लारे तुमरेसी मेव कोर देदू काहाकि तुमुक तेरे ओगोव चुखला एने बेगुना बोनावीन तिनाक उबराखसे.

इफिसीयो 5:27

एने तीनाक ओसी चोमोकने वावी मंडवी बोनावीन आपनेनचा उबरोये; जीनाक नी डाग, सुरकुती नी काहीन ओसी चीज होय पुन चुखला एने निरदोष होये.

1 थिस्सलुनीकियो 2:19

वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

यहुदा 1:14

हनोख बी जो आदोम सी सातवी पीडी मा होतु, इंदरा बारामा यी भविष्यवाणी कोऱ्यु, “देखू, प्रभू आपना लाखो चुखला साते आयु,

यहुदा 1:24

हिमी जो तु ठूकर खाणेसी वाचाड सोकतलु छे, एने आपना महिमान भरपुरीन सामने मग्न एने निरदोष कोरीन उबु कोर सोकतलु छे,

1 थिस्सलुनीकियो 4:15

काहाकि आमु प्रभून वचनोन अनसारे तुमु काजे जो कोयतेला छे कि आमु जे जीवतला छे एने प्रभून आवने तोक वाचला रोयसु, मोरलामा गोथा कोबी ओगोव नि बोढसे.

1 थिस्सलुनीकियो 3:11

हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;

फिलिप्पि 1:10

न्या तोक कि तुमु वारलासी वारला वातो काजे वारलो सोमजू, एने मसिहन दाहळा तोक खोरला बोनीन रोयू.

2 थिस्सलुनीकियो 2:1

हे भाशो, हिमी आपनु आपना प्रभू येसु मसिहन आवनेन एने तिंदरे साते आमरा एखठा होयनेन बारामा तुमु काजे विनता कोरतेला छे.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 14:4

तू कून छे जू दिसरान सेवक पोर गुणू लागाळतलु? तेरो सुदो होयनो नि ते पोड जाणो तेरा मालिक साते रीसतो मेकतलु; बाकीन चू सुधू कोराय जासे, काहाकि प्रभू तीनाक पाकु कोर सोकतेलु.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 कुरीन्थियो 15:23

बाकीन होर एकोन आपना-आपना वाडी पोर पेहेलो फोव येसु मसिह, ओवतेन येसुन आवने पोर तेरा माणसे.

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

लुका 1:6

चे दुयु परमेश्वरोन सामने धोरमी होता, एने प्रभून आखी आग्या एने रिती पोर निरदोष चालने वावा होता.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

1 थिस्सलुनीकियो 4:17

तेत्यार आमु जे जीवतला एने वाचीन रोयसु तिंदरे साते वादवा पोर चुटाय जासु कि हवामा प्रभू काजे भेटसे; एने इना रितीसी आमु सोदा प्रभून साते रोयसु.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

याकुब 5:8

तुमु बी धीर धोरू; एने आपने मोन काजे पाको कोरु, काहाकि प्रभून आवनेन दाहळू साते छे.