1 थिस्सलुनीकियो 3:11 - बारेली पावरी

¹¹ हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;

1 थिस्सलुनीकियो 3:11 Referans Kwoze

मत्ती 6:32

काहाकि दिसरा जात्या इना आखा चीजोन हेरेमा रोयतलु छे, बाकीन तुमरू सोरगो मायलु बास जानतलु छे कि तुमुक इना आखा चीजोन जरूरत छे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

1 थिस्सलुनीकियो 3:13

काहाकि चू तुमरा मोनो काजे ओसू पाकु कोरे कि जेतार आमरू प्रभू येसु आपना आखा चुखला माणसो साते आवे, ती चे आमरा परमेश्वर एने बासो सामने चुखलामा निरदोष ठेराये.

लुका 12:32

“हे नानला टूवा, मा बिहे, काहाकि तुमरा बासो काजे यो गोवलो छे, कि तुमुक राज आपे.

मत्ती 6:26

वादवा मायला चिल्ला काजे देखू! चे नी वेरतेला, चे नी काटतेला छे, एने नि कुठामा एकठा कोरतला; ते बी तुमरू सोरगो मायलु बास हिनु काजे खावाळतेलु छे, काय तुमु हीनु गोथा जादा किमतीवान नि राखतला?

1 योहान 3:1

देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

2 थिस्सलुनीकियो 3:5

परमेश्वरोन मोंग एने मसिहन धीर एने प्रभू तुमरे मोनमा ओगवाई कोरे.

लुका 12:30

काहाकि जोगोन जाती इनी आखी वातोन हेरमा रोयतेला छे, एने तुमरा बासो काजे मालूम छे कि तुमु काजे इनी चीजोन गोरोज छे.

मरकुस 1:3

बोयळामा एक आयळने वावान आवाज सोमवायने बाजीरोय कि, प्रभून वाट तीयार कोरु, एने तेरी वाट सुदी कोरु.”

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

रोमी 1:3

आपनु पुऱ्यु आपना प्रभू येसु मसिहन वारली खोबरोन बारामा वायदू कोरलु होतु, जू डीलोन भावशी दाऊदन पिढीमा पोयदा होयू,

मत्ती 6:18

काहाकि माणसे नी बाकीन तारू बास जू गुप्त मा छे तुसेक उपवासी जाणे इना हालतमा तारू बास जू एखलामा मा देखतलु छे, तुसेक प्रतीफोव आपसे.

मत्ती 6:14

“इनान कोरता कोबी तुमु माणसोन गुणू माफ कोरसू, ती तुमरू सोरगो मायलु बास बी तुमु काजे माफ कोरसे,

मत्ती 6:6

बाकीन जेतार तू प्रार्थना कोरे, ती आपना खुलीमा जा; एने झोपलु बोंद कोरीन आपना बासो पुठी जो एखलामा छे प्रार्थना कोर तेत्यार तारू बास जो एखलामा देखतलु छे, तुसेक प्रतीफोव आपसे.

कुलुस्सि 1:2

मसिहमा तिना चुखला एने विश्वासी भाशोन नावे जे कुलुसोमा रोयतला आमरू बास परमेश्वर तोरोफसी तुमु काजे दया एने शांती जोळती रोये.

2 कुरीन्थियो 6:18

एने मे तुमरू बास होयीस, एने तुमु मारा पुऱ्या एने पुरायटा होयसू यो आखा गोथू ताकत वावू प्रभू परमेश्वरोन वचन छे.”

मत्ती 6:4

काहाकि तारो दान एखलामा रोये, एने तारु बास एखलामा देखे, तुसे प्रतीफोव आपसे.

योहान 20:17

येसु तिनी काजे कोयू, “मेसेक मा छिमे, काहाकि मी हिमी तोक बासोनचा उपोर नि गोयू, बाकीन मारा भाशोनचा जायीन हिनु काजे कोय दे, कि मे मारा बास एने तुमरू बास, एने मारू परमेश्वर एने तुमरू परमेश्वर तेरेनचा जाम.”

1 थिस्सलुनीकियो 4:16

काहाकि प्रभू एक सोरगो गोथू उतरसे; तिने टेमे ललकार, एने प्रधान दुतोन वात सोमवाय जासे, एने परमेश्वरोन फेपाऱ्यो फुकाय जासे; एने जे मसिहमा मोरला छे, चे पेहेले जीव उठसे.

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

2 थिस्सलुनीकियो 3:16

हिमी प्रभू जू शांतीन झोरू छे खुद ते तुमुक कायम एने होर एक भातीन शांती आपे. प्रभू तुमरे आखा साते रोये.

प्रकाशित वाक्य 21:3

पोछु मे सिहासन मा गोथू काहनास काजे उचला बुलोसी यो कोयतेलू सोमव्यू, “देख, परमेश्वरोन डेरू माणसोन इचमा छे चू हिंदरे साते डेरू कोरसे, एने चे हीना माणसे होयसे, एने परमेश्वर खुद हिंदरे साते रोयसे एने तिंदरू परमेश्वर होयसे.