1 थिस्सलुनीकियो 2:19 - बारेली पावरी

¹⁹ वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

1 थिस्सलुनीकियो 2:19 Referans Kwoze

फिलिप्पि 4:1

इनान कोरता हे मारा मोंगावा भाशो जीनामा मारो मोन लागलो रोयतेलो छे, जो मारो खुशी एने मुकुट होये, हे मोंगावा भाशो प्रभूमा इना रितीसी बोनला रोयू.

1 थिस्सलुनीकियो 3:13

काहाकि चू तुमरा मोनो काजे ओसू पाकु कोरे कि जेतार आमरू प्रभू येसु आपना आखा चुखला माणसो साते आवे, ती चे आमरा परमेश्वर एने बासो सामने चुखलामा निरदोष ठेराये.

फिलिप्पि 2:16

कि मसिहन दाहळामा मेसेक मोटाय कोरनेन मतलब रोये कि नी मारो दोवळनो नी मारी मेहनोत कोरनो वायबार होयो.

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

2 कुरीन्थियो 1:14

ओसो तुमरेमा गोथा कोतरा मान लेदला छे कि आमु तुमरा मोटायन वोजा छे, तोसोच तुमु बी प्रभू येसुन दाहळे आमरेन कोरता मोटायन वोजा ठेरायसु.

1 कुरीन्थियो 15:23

बाकीन होर एकोन आपना-आपना वाडी पोर पेहेलो फोव येसु मसिह, ओवतेन येसुन आवने पोर तेरा माणसे.

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

1 योहान 2:28

हे पुऱ्या, येसुमा बोनला रोयु कि जेतार होयु प्रगट होये ती आमुक हियाव होये, एने आमु हेरे आवने पोर हेरे सामने लाजवाये नि.

प्रकाशित वाक्य 22:12

“देख, मे तेतारुत आवने वावू छे; एने होर एकोन कामोन अनसारे बोदलु आपनेन कोरता प्रतीफोव मारजुव छे.

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

1 थिस्सलुनीकियो 4:15

काहाकि आमु प्रभून वचनोन अनसारे तुमु काजे जो कोयतेला छे कि आमु जे जीवतला छे एने प्रभून आवने तोक वाचला रोयसु, मोरलामा गोथा कोबी ओगोव नि बोढसे.

यहुदा 1:24

हिमी जो तु ठूकर खाणेसी वाचाड सोकतलु छे, एने आपना महिमान भरपुरीन सामने मग्न एने निरदोष कोरीन उबु कोर सोकतलु छे,

1 पतरस 5:4

जेतार प्रोधान राखनेवावू प्रगट होयसे ती तुमु अमोर महिमान मुकुट जोळसे.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

1 थिस्सलुनीकियो 2:20

आमरी महिमा एने खुशी तुमुत छे.

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

योहान 21:22

येसु तीना काजे कोयू, “कोदि जुवे ती चू मारे आवने तोक रुकाय रोये, ती मेसेक इनासी काय तू मार पोछोव आव लाग.”

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

2 थिस्सलुनीकियो 2:1

हे भाशो, हिमी आपनु आपना प्रभू येसु मसिहन आवनेन एने तिंदरे साते आमरा एखठा होयनेन बारामा तुमु काजे विनता कोरतेला छे.

याकुब 5:7

तेरेन कोरता हे भाशो, प्रभून आवने तोक धीर धोरू देखू खेतो वावु जोगोन किमती धानोन आस राखतु जाईन पेहेलु एने आखरी पाणी पोळने तोक धीर धोरतला छे.

याकुब 5:8

तुमु बी धीर धोरू; एने आपने मोन काजे पाको कोरु, काहाकि प्रभून आवनेन दाहळू साते छे.

2 पतरस 1:16

काहाकि जेतार आमु तुमु काजे आपना प्रभू येसु मसिहन ताकत एने आगमोनोन खोबर आपलु होतु, ती चू हुशारीसी बोनावने गाळायला काहन्यान चाल नी चालनो होतो, नि तेत्यार आमु आपनूत तिनान मोटला कामो काजे देखला होता.

2 पतरस 3:4

एने कोयसे, “तिनान आपनेन वायदू का गोयी काहाकि जेतार गोथा डाह डाहा मोर गोयला छे, आखो काय तोसोच छे जोसो कोव बोननेन टेम गोथो होतो?”