1 थिस्सलुनीकियो 2:13 - बारेली पावरी

¹³ इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

1 थिस्सलुनीकियो 2:13 Referans Kwoze

इब्रानियो 4:12

काहाकि परमेश्वरोन वचन जीवतलो, ताकत एने काहनाबी दुय धारवावा तोलवार गोथो तीखलो छे, चो जीव एने आत्मा, सांधा एने गुरदा काजे आरपार भोराईन एने मोनोन विचार एने भावना काजे पारखतलो छे.

रोमी 10:17

आखरी भुरसू सोमवनेसी मसिहन वचनोसी होयतलो छे.

1 पतरस 1:23

काहाकि तुमु नाशवान नि बाकीन अविनाशी बिजडासी, परमेश्वरोन जीवतला एने कायम रहनेवाला वचनोन लारे नवलू जन्मो जोळलो छे.

1 पतरस 1:25

बाकीन प्रभून वचन पिढ्यान पिढ्या एक जागे रोयतलू छे एने योत वारली खोबरोन वचन छे जू तुमु काजे कोवायलो होतो.

1 पतरस 2:2

नोवीन जन्मो लेदला पुऱ्यान तोसो चुखलो आत्मिक दुधोन मोर्जी कोरु, तेरेन कोरता तेरे लारे छुटकारू जोळनो जुवे कोरीन ओगोव जावू,

लुका 11:28

चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

1 योहान 3:3

एने जू कुदू तीना पोर जी आस राखतलु छे चू आपने खुदो काजे तोसुत चुखा कोरतेला जोसू चू चुखलु छे.

गलातियों 4:14

एने तुमु मारा डीलोन हाल काजे जो तुमरे पारखन वजा होता नी चो सोमज्या; नी चे धिक्कार कोऱ्या; एने परमेश्वरोन दूत मतलब खुद येसु मसिहन सारकु मेसेक मान लेदू.

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

प्रेषित 17:11

जे माणसे ते थेस्सलुनीका यहुदामा गोथा वारू होता एने चे मोटली मोर्जीसी वचन स्वीकार कोऱ्या, एने दाहळीन पवित्राशास्त्रमा हेरता रोया कि ये वाते ओसात छे कि नि होय.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

लुका 8:21

चू इना जोवाबमा तीनु काजे कोयू, “मारी आया एने मारा भाश येत छे, जे परमेश्वरोन वचन सोमवतेला एने मानतला.”

योहान 17:19

एने तिंदरेन कोरता मी आपना खुदो काजे चुखो कोरो, काहाकि चे बी खोरलान लारे चुखा कोराये जाय.

मत्ती 10:40

“जू तुमु काजे स्वीकार कोरतेलु छे, चु मेसेक स्वीकार कोरतेलू छे, चू मेसेक मुकलने वावा काजे स्वीकार कोरतेलू छे.”

योहान 17:17

खोरलान लारे हिनुक चुखो कोर तारो वचन खोरलो छे.

योहान 15:3

तुमु ते इना वचनोन वोजेसी जो मे तुमु काजे कोयलु छे, चुखो होय.

लुका 8:11

“दाखलान मतलब यो छे बीज परमेश्वरोन वचन छे.

मत्ती 10:20

काहाकि बुलने वावा तुमु नि होय, बाकीन तुमरा परमेश्वरोन आत्मा जू सोरगो माईन बास तुमरेमा बुलतलु छे.

2 पतरस 3:2

कि तुमु इनी वातो काजे जू चुखला भविष्य कोरता पेहेलेत कोयला छे, एने प्रभू एने छुटकारू आपन्या तिनी आग्या काजे फोम कोरुजू तुमरे प्रेषितोन लारे आप देदलु होतु.

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

प्रेषित 17:32

मोरलान पोछोव जीव उठनेन वात सोमवीन काहनास ते मोजाक कोरणे बाज गोया एने काहनास कोया कि जी वात आमु तारे जुव गोथा कोत्यार सोमवसु.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

प्रेषित 10:33

तेत्यार मे मामार तारेनचा माणसे मूकल्यु एने तू भोलो कोऱ्यु आव लाग्यू हिमी आपु आखा या परमेश्वरोन सामने छे, काहाकि जो काहीन परमेश्वर तुसेक कोयलु तीनाक सोमवे.

प्रेषित 2:41

आखरी चे माणसे तेरो वचन सोमव्या चे बाप्तिस्मा लेदा; एने तिने दाहळे तीनुमा लगभग तीन हजार माणसे मेवाय गया.

प्रेषित 8:14

जेतार प्रेषितोन जे यरुशलेममा होता, सोमव्या कि सामरिया परमेश्वरोन वचनमा लेदला छे ती पतरस एने योहान काजे तिंदरेनचा मुकल्या.

लुका 5:1

जेतार गोरदी परमेश्वरोन वचन सोमवनेन कोरता तीना पोर पोळ जाती होती, एने चू गन्नेसरतोन तलाव धोळे उबरोय रोयू होतु, ती ओसो होयो.

इब्रानियो 4:2

काहाकि आमुक तिंदरेन तोसा वारली खोबर सोमवाळ देदा, बाकीन तीना सोमवला वचनोसी तीनु काजे काहीन फायदू नी होयो, काहाकि सोमवने वावा मोनोमा भुरसासी नि बोठ्या.