1 थिस्सलुनीकियो 2:1 - बारेली पावरी

¹ हे भाशो, तुमु खुदो काजे मालूम छे आमरो तुमरेनचा आवनो वायबार नी होयो.

1 थिस्सलुनीकियो 2:1 Referans Kwoze

2 थिस्सलुनीकियो 3:1

आखरीमा, हे भाशो, आमरेन कोरता प्रार्थना कोऱ्या कोरु कि प्रभून वचन ओसो मामार फेले एने महिमा लेये जोसो तुमरेमा होयो.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

फिलिप्पि 2:16

कि मसिहन दाहळामा मेसेक मोटाय कोरनेन मतलब रोये कि नी मारो दोवळनो नी मारी मेहनोत कोरनो वायबार होयो.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

1 कुरीन्थियो 15:2

हीनान लारे तुमरू छुटकारू बी होयतेलु छे, कोदि तिना वारली खोबर काजे जो मे तुमुक सोमवाळलु होतु फोम कोरता रोयू; नीती तुमरो भुरसू कोरनो वायबार होयो.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

गलातियों 4:11

मे तुमरा बारामा बिहतेलु, कोबी ओसो नी होयलो, कि जो मेहनत मे तुमरेन कोरता कोऱ्यु ची बिना कामोन ठेहरसे.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.