1 पतरस 5:10 - बारेली पावरी

¹⁰ तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 पतरस 5:10 Referans Kwoze

2 कुरीन्थियो 4:17

काहाकि आपनो थुलोक वारोन कोरलो दुख आपनेन कोरता जुदो महत्वान एने ओमोर महिमा पोयदा कोरतेला;

2 थिस्सलुनीकियो 3:3

बाकीन प्रभू खोरलू छे; चू तुमु काजे पाका रितीसी वातळू कोरतेलू एने तीना पापोसी वाचाडीन राखतलु.

यहुदा 1:24

हिमी जो तु ठूकर खाणेसी वाचाड सोकतलु छे, एने आपना महिमान भरपुरीन सामने मग्न एने निरदोष कोरीन उबु कोर सोकतलु छे,

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

2 थिस्सलुनीकियो 2:17

तुमरा मोनोमा शांती आपे एने, तुमु होर एक वारला कामे एने वचनमा वातळा रोये.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

1 कुरीन्थियो 1:9

परमेश्वर खोरलू छे, जू तुमु काजे आपनु पुऱ्यु आमरा प्रभू येसु मसिहन संगतीमा बुलावलू छे.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

1 पतरस 1:15

बाकीन जोसी तुमरू बुलावने वावू चुखलु छे, तोसोत तुमु भी तुमरा आखा चाल चलनमा पवित्र बोनु.

फिलिप्पि 4:13

जू मेसे काजे ताकत आपतलु छे तीनामा मे सोब काय कोर सोकतलु.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

लुका 22:32

बाकीन मे तारेन कोरता विनता कोऱ्यु कि तारू भुरसू कोमजुर नि होये; एने जेतार तू फिरे, आपना भाशो काजे पाको कोरजी.”

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

कुलुस्सि 2:7

ओवते तीनामा थुळ धोरीन बोढता जावू; एने जोसो तुमुक सिकाळलो होतो तोसोत भुरसामा पाका बोनता जावू, एने जादासी जादा धन्यवाद कोरता रोयू.

रोमी 15:5

धीर एने शांतीन दाता परमेश्वर तुमुक यो वरदान आपे कि येसु मसिहन अनसारे आपसमा एक मोन रोयू.

1 योहान 2:25

एने जिंदरी होयू आमरे कोरता वायदू कोऱ्यु, होयो ओमोर जीवनोन छे.

इब्रानियो 9:15

एने इना वोजेसी चू नोवला वायदान अगवू छे जीनासी कि तिना मोरनोन लारे जू पेहेले वायदान टेमे पापोसी छुटकारू लेनेन कोरता कोरायला छे, बुलावला माणसे वायदान अनसारे ओमोरोन उत्तराधीकारोन वायदा काजे ली सोकतला.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 9:11

हिमी तोक नी पुऱ्या पोयदा होयला होता, एने नी चे वारलो एने भून्डो कोरला होता; इनान कोरता कि परमेश्वरोन योजना तेरे नेवाळ लेणेन अनसारे छे.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.

रोमी 9:24

बाकीन आमरेपोर जीनुक चू नी बाकीन यहुदिमा गोथा एने, दिसरा जातीमा गोथा.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

1 पतरस 4:10

जेतार आखा काजे एक खास वरदान जूळलो छे, ती तिनाक परमेश्वरोन ओलोग-ओलोग भातीन अनुग्रहन वारला भंडारीन सामने एक दिसरान सेवामा लागाळू.