9 बिगोर कुरकुरोन एक दिसरान पाहांतराय कोरु.
पाहांतराय आड कोरने मा वीसरु काहाकि इनान लारे काहनास माणसे ओनजानलामा सोरग दूतोन आदर कोरला छे.
चुखला माणसो काजे जो काहीन जरुरत होसे, तीनामा तिंदरी मदत कोरु; भोलाई कोरणे हमेशा तीयार रोयू.
आखो काम बिना कुरकुर कोरे एने बिना विवादोन कोऱ्या कोरु.
भोलाई कोरनो एने मोंता देखाळने मा वीसरु काहाकि ओसला बलिदानोसी परमेश्वर खुश होय जातलु छे.
बाकीन पाहांतऱ्यान मान सन्मान कोरणे वावु, भोलाई कोरणे वावु, खुद नियाव कोरणे वावु, चुखलो एने जीत वावु रोयनो जुवे;
यो महत्वान छे कि पुढारी निरदोष होय, एने एकुत बायरोन आदमी, धीर धोरन्यू, घाटावू, वारलु पाहांतराय कोरने वावू, एने सिकाळनेमा हुशार होसे,
हे भाशो, एक दिसरा पोर दोष मा लागाळू, काहाकि तुमु गुणावा नि बोने; देखू नियाव कोरन्यू झोपला पोर उभू छे.
होर एक जोना जोसा मोनोमा विचार कोरे तोसाच दान बी कोरे; नि कुर-कुर कोरीन एने नि दबाव सी, काहाकि परमेश्वर खुशीमा आपनेवावा पोर मोंग कोरतेलु छे.
मे तारी मोर्जी विगुर कायबी नि कोरणे हिंड्यू, कि तारी जी वारलो दबाव से नि पुन खुशीसी होये.
गयुस जू मारी एने मंडव्या पाहांतराय कोरणे वावू छे, हिंदरु तुमुक नमस्कार. इरास्तुस जू नोगोरोन भंडारी छे, एने भाश क्वारतूसोन तुमु काजे नमस्कार.
