1 पतरस 4:4 - बारेली पावरी

⁴ इनासी चा नोवलाय कोरतेला कि तुमु ओसा मोटी लुचळायमा तिंदरू साथ नि देतला, एने एरेन कोरता चे भुंडला कोयतेला छे;

1 पतरस 4:4 Referans Kwoze

1 पतरस 3:16

एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

प्रेषित 18:6

बाकीन जेतार चे विरोध एने बुराई मोजाक कोरणे बाज गोया ती चू आपना कापळा झोटकी तीनु काजे कोयू “तुमरो लुय तुमरेन माथा पोर रोये, मी निरदोष छे हिमी गोथू मे दिसरा जातीमा जायीस.”

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

प्रेषित 13:45

बाकीन जेतार यहुदि भिळ काजे देख्या ती चे हेवाय कोरणे बाज गोया एने बुराई कोरता जायीन पौलुसोन कोयली वातो काजे रुकने बाज गोया.

2 पतरस 2:22

तिंदरे पोर जी कोहावत बोराबोर बोसतली, कि कुत्रा आपनी उखवला भूनी एने उंगवावली सुवरीन कीचळमा घोसडायनेन कोरता पोछि जात रोयतली.

2 पतरस 2:12

बाकीन जे माणसे बिना दिमाकोन जोनावर सारखा छे, जे धोराय जाणे एने नाश होयनेन कोरता पोयदा होयला छे; एने जिना वातो काजे उवेखतला नि तिंदरा बारामा दिसरा काजे वारलो भुंडलो कोयतेला छे चे आपनी सोळलामा खुद सोळ जासे.

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

लुका 15:13

जादा दाहळा नी होयला होता कि नानलु पुऱ्यु आखो काहीन एखठो कोरीन नांबे देस जात रोयू, एने चा भुंडला कामोमा आपनो धोन उळाव देदू.

इफिसीयो 5:18

आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

मत्ती 23:25

हे दोगावा शास्त्री एने फरुशी, तुमरे पोर हाय! तुमु वाटको एने थावि काजे उपोर-उपोर उजावतला बाकीन चे माही खराबी एने नाकमासी भोरलो छे.