1 पतरस 4:17 - बारेली पावरी

¹⁷ काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

1 पतरस 4:17 Referans Kwoze

2 थिस्सलुनीकियो 1:8

एने जे परमेश्वरोक नि उवेखतला एने आमरा प्रभू येसुन वारली खोबर नि मानतला तिंदरो हिसाब लेसे.

1 पतरस 2:8

एने ठेस लागनेन दोगळू एने ठूकर खाणेन चाफुर होय गोयलु छे, काहाकि चा ते वचन काजे नि मानीन ठूकर खातला छे, एने एरेन कोरता चू कोवय बी गोया होता.

रोमी 2:9

एने तोकलीत एने सोंकट होर एक माणसोन जीवो पोर जू बुरो कोरतेलू आवसे, पेहेले यहुदि पोर ओवतेन युनानीपोर;.

लुका 23:31

काहाकि जेतार चे निव्वा झाडोन साते ओसो कोरतेला, ती सुकलान साते काय-काय नि कोराय जाय?

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

इब्रानियो 2:4

एने तिना रितीसी परमेश्वर बी तेरी मोर्जीन लारे चिन्ह चमत्कार एने भाती भातीन मोटला कामे एने पवित्र आत्मान वरदानोन वाटनेन लारे तेरी गोवायी आप्यू.

इब्रानियो 2:2

काहाकि ओगर चो वचन जो सोरग दूतोन लारे कोवायलो होतो, जेतार चू वातळू रोयू एने हर एक गुणा एने आग्या नी माननेन ठीक-ठीक फोव जोळ्यो.

गलातियों 5:7

तुमु ते वारला रितीसी दोवोळता होता. हिमी तुमु काजे कुन रुक देदू कि खोरला काजे मा माणू.

इब्रानियो 11:8

भुरसासी अब्राहाम जेतार बुलवाय गोयू ती आग्या मानीन ओसली जागे जात रोयू जो तीना काजे होकदारसी जोळने वावो होतो तीना काजे नी मालूम होतो कि मे कां जाणे बाज रोयू, ते बी जात रोयू.

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

गलातियों 6:10

इनान कोरता जा तोक टेम जोळे, आपनु आखा पुठी वारू कोरु, खास कोरीन भाशो साते.

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.