1 पतरस 2:22 - बारेली पावरी

²² नि ती चू पाप कोऱ्यु एने नि तेरे मुयो से छोळोन कानली वात निकवी.

1 पतरस 2:22 Referans Kwoze

इब्रानियो 4:15

काहाकि आपनु ओसलु महायाजक नी होय जू आपना कोमजूरीमा आपनेपोर दया नी राख सोके, होयु आखा वातोमा आपनेन सारखू पारखाय गोयलु ते बी बिना दोषोन निकव्यू.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

1 योहान 3:5

तुमु जानतला छे कि चू इनान कोरता प्रगट होयू कि पापो काजे हारवी देय; एने तेरा स्वभाव पाप नि होय.

प्रकाशित वाक्य 14:5

तिंदरा मुयोसी कोदि झूट नी निकव होतो, चे निरदोष छे.

1 योहान 2:1

हे मारा पुऱ्या मे यी वात तुमुक इनान कोरता लिखलो छे कि तुमु पाप नि कोरु; एने जर कुदु पाप कोरे, ती बासो पुठी आमरू एक मदतगार छे, मतलब धोरमी येसु मसिह;.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

लुका 23:41

एने आपनु ते नियावोन नुसार दोंड भुक्ती रोया, काहाकि आपु आपना कामोन ठीक फोव भुक्ती रोया; बाकीन काहनोत भुंडलो काम नि कोऱ्यु.”

योहान 8:46

तुमरे माईन कून मेसेक पापी ठेरावतलू? ओगर मे छाचलीन बुलतलू, ती मार पोर भुरसू काहा नि कोरतेला?

योहान 1:47

येसु नथनेल काजे आपने भूनी आवतेलु देखीन तेरा बारामा कोयू, “देखू, यु छाचलीन इस्राईल छे इनाम मोटाय नि होय.”

लुका 23:47

सुभेदार, जो काहीन होयलो होतो देखीन परमेश्वरोन बोढाई कोऱ्यु, एने कोयू, “छाचलीन यु माणूस धोरमी होतु.”

मत्ती 27:19

जेतार चू नियावोन गादीपोर बोसलु होतु ती हेरी लाडी हिनाक कोय मुकली, “तू हीना धोरमीन मामलामा हात झुन घालतू, काहाकि मे आज सोपनामा हेरे लारे जादा दुख उठावली छे”?

मत्ती 27:4

एने कोयू, “मे बेगुना काजे बिगर गुणावावा काजे लुय वोयाळनेन कोरता धोरावीन पाप कोरलु छे,” चे कोया “आमुक काय? तू जाणे.”