1 पतरस 2:20 - बारेली पावरी

²⁰ काहाकि अगर तुमु पाप कोरीन धुमा खादा एने धीर धोऱ्या, ती इनामा काय मोटाइन वात छे? ओगर कुदु वारलो काम कोरीन दुख झेलतला छे, एने धीर धोरतला छे, ती यो परमेश्वर काजे गोवतेलो छे.

1 पतरस 2:20 Referans Kwoze

1 पतरस 2:19

काहाकि ओगर कुदु परमेश्वरोन विचार कोरीन अन्याय से दुख झेलतू जाईन दुख सोहोन कोरे ती वारलो छे.

1 पतरस 3:17

काहाकि ओगर परमेश्वरोन जी मोर्जी होयसे कि तुमु भोलाई कोरनेन वजेसी दुख, वेठनो, ती जी बुराई कोरीन दुख चूटनेसी वारलो छे.

1 पतरस 3:14

ओगर तुमु धोरमोन वोजेह दुख झेलसु, ती सोयावा छे; बाकीन माणसोन वातो काजे मा बिहू, एने मा घाबरायु,

लुका 6:32

ओगर तुमु तुमरा मोंग कोरने वावा साते मोंग कोरसू, ती तुमरी काय बोढाई? काहाकि पापी बी आपना मोंग कोरणे वावा पोर मोंग कोरतेला छे.

मत्ती 5:47

“कोदि तुमु आपना भाशो काजेत नमस्कार कोरे, ती काहनो मोटो काम कोरतेला? काय बिन यहुदि बी ओसा नी कोरतेला?,

1 कुरीन्थियो 4:11

आमु इना घोळी तोक भूकला तीसला एने उगाडला छे, एने घुदा खातला छे एने मारे-मारे फिरतला छे.

मरकुस 14:65

तेत्यार कहानास ते तिना पोर थूपणे, एने काहनास तेरो मूय ढाकणे एने तीनाक धुमा देणे, एने तिना काजे कोयने बाज गोया, “भविष्यवाणी कोर” एने सिपायळा तीना काजे धोरीन थापळ्या देदा.

मत्ती 26:67

तेत्यार चे तेरे मुयो पोर थूक्या, एने तीनाक धूमा देदा, दिसरा थापळ्या देदा एने कोया,

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

इफिसीयो 5:10

एने यो पारखु कि प्रभू काजे काय गोवतेलो छे.

गलातियों 4:18

बाकीन यो बी वारलो छे कि वारला रितीसी होर एक टेम दोस्त बोनावनेन कोशिश कोराय जाय नीती तिनी टेमोन, जेतार मे तुमरे साते रोयो.