1 पतरस 2:19 - बारेली पावरी

¹⁹ काहाकि ओगर कुदु परमेश्वरोन विचार कोरीन अन्याय से दुख झेलतू जाईन दुख सोहोन कोरे ती वारलो छे.

1 पतरस 2:19 Referans Kwoze

1 पतरस 2:20

काहाकि अगर तुमु पाप कोरीन धुमा खादा एने धीर धोऱ्या, ती इनामा काय मोटाइन वात छे? ओगर कुदु वारलो काम कोरीन दुख झेलतला छे, एने धीर धोरतला छे, ती यो परमेश्वर काजे गोवतेलो छे.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

लुका 6:32

ओगर तुमु तुमरा मोंग कोरने वावा साते मोंग कोरसू, ती तुमरी काय बोढाई? काहाकि पापी बी आपना मोंग कोरणे वावा पोर मोंग कोरतेला छे.

रोमी 13:5

इनान कोरता अधीन रोयनो नि निस्तु तिना रीसोन भिक सी जोरुरी छे, बाकीन ग्यान बी जी गोवायी आपतली छे.

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

2 तीमथी 1:12

इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु.

2 कुरीन्थियो 8:1

हिमी हे भाशो आमु तुमु काजे परमेश्वरोन तीना दयान खोबर कोयतेला जो मकीदुनीयान मंडवी पोर होयो,

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

इब्रानियो 10:2

नीती तिंदरो चोळावनेन बोंद काहा नी होय जातो? सेवा कोरणे वावा ते एकुत कावा चुखा होय जातला एने तिंदरा विचारे तीनु काजे एने पापी नी ठेरावतलो.

1 पतरस 4:15

तुमरे माईन कुदू बी खुनी, चुटू, भुंडलो काम कोरने वावु, नीती दिसरान काममा हात नाखने वोजेहसी दुख नि झेलतलु छे.