1 योहान 4:14 - बारेली पावरी

¹⁴ आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.

1 योहान 4:14 Referans Kwoze

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

योहान 4:42

एने तिनी बायर काजे कोया, “हिमी आमु तारा कोयना पोरसी भुरसू नि कोरता; काहाकि आमु खुद सोमवी लेदा, एने जानतला कि युत छाचलीन जोगोन छुटकारू आपन्यु छे.”

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

1 योहान 5:9

तेत्यार माणसोन गोवायी मान लेतला छे, ती परमेश्वरोन गोवायी ते आखा गोथी बोढीन छे, एने परमेश्वरोन गोवायी जी छे कि चू तेरा पुऱ्यान बारामा गोवायी आपलु छे,

1 पतरस 5:12

मी सिलवानुसोन लारे, जेरेसी मी भुरसान योग्य भाश मानतलु छे, वारू रितीसी लिखीन तुमु काजे सोमजाडलु छे एने यी गोवायी आपलु छे कि परमेश्वरोन खोरलु दया छे इनामा वातडा बोनीन रोयु.

योहान 12:47

ओगर कुदु मारी वात सोमवीन नि माने, ती मे तीनाक गुणावू नि ठेरावतू; काहाकि मे जोगो काजे गुणावा ठेरावने नि, बाकीन जोगोन छुटकारू कोरनेन कोरता आव रोयू.

योहान 5:39

तुमु पवित्र शास्त्रामा हेरतेला छे, काहाकि सोमोजतेला कि तीनामा ओमोर जीवन तुमुक जातला छे; एने यो चोत छे जो मारी गोवायी आपतलु छे;.

योहान 3:34

काहाकि जीनाक परमेश्वर मूकललु छे, चू परमेश्वरोन वाते कोयतेलु काहाकि चू आत्मा माप-मापीन नि आपतलु.

प्रेषित 18:5

जेतार सिलास एने तीमथी मकीदुनीया गोथा आव्या, ती पौलुस वचन सोमवाळनेन धूनमा यहुदि काजे गोवायी आपने बाज गोयू कि येसुत मसिह छे.

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

योहान 3:32

जो काय चू देखलू एने सोमवलू, तेरीत गोवायी आपतलु; एने कुदु तेरी गोवायी मानतलु नि.

योहान 3:11

मी तुसेक छाचलीन कोयो कि आमु जानतला छे चोत कोयतेला एने जिनाक आमु देखला छे तेरी गोवायी आपला, एने तुमु आमरी गोवायी मानतला नी.