1 योहान 3:15 - बारेली पावरी

¹⁵ जू कुदू आपना भाशो पुठी दुष्मोनी कोरतेलू, चू हत्यारु छे, एने तुमु जानतेला छे कि काहना हत्यारमा ओमोर जीवन नी रोयतलु.

1 योहान 3:15 Referans Kwoze

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

प्रेषित 23:14

चे प्रधान पुजारू एने डाहला पुढारीनचा जायीन कोया आमु यो पाको कोर लेदा कि जेतार तोक आमु पौलुस काजे मार नि नाखजे, तेत्यार तोक ओगर काहीन चाखे ती आमरेपोर धिक्कार छे.

याकुब 1:15

तेत्यार लालच भारपाये होईन पापो काजे जन्म आपे, एने पाप जेतार जाफा होय जातलो छे तेत्यार मोत काजे पोयदा कोरतेला छे.

प्रेषित 23:12

जेतार दाहळू उग्यु ती यहुदि योजना बोनाव्या एने कोसोम खादा कि जेतार तोक पौलुस काजे मार नि नाखजे तेत्यार तोक नि खाजे नि पीजे.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

मरकुस 6:19

कोरीन हेरोदीया तेरे पोर डाव धोरती होती एने तिनीक लाकतो होतो कि तीना काजे माराय देयो; बाकीन ओसो नी होय सोक्यो,

मत्ती 5:28

बाकीन मे तुमु काजे यो कोय, कि जू कुदु बायर पोर भुंडली नोजोर नाखे चू आपना मोनोमा तिनी पुठी व्यभिचार कोर लेदू.

1 पतरस 1:23

काहाकि तुमु नाशवान नि बाकीन अविनाशी बिजडासी, परमेश्वरोन जीवतला एने कायम रहनेवाला वचनोन लारे नवलू जन्मो जोळलो छे.

1 योहान 2:9

जो कुदू यो कोयतलो कि मे विजावामा छे एने आपना भाश पूठी बुराई राखतलु छे, होयू हांजू तोक आंदारामा छे.

1 योहान 2:11

पुन जो कुदु आपना भाश पुठी बुराई कोरतेलू छे चू आंदारामा छे एने आंदारलामा चालतलु छे, एने नि जानतलु कि का जाने छे, काहाकि आंदारो हेरा डूवा काजे आंदवो कोर देदलो छे.