1 योहान 3:10 - बारेली पावरी

¹⁰ इनामा परमेश्वरोन पुऱ्या एने भुतडान पुऱ्या उवखाय जातला छे; जो कुदू धर्मान काम नी कोरलु चू परमेश्वरसी नी होय, एने नि चू जू आपना भाशो पोर मोंग नी कोरतेलु.

1 योहान 3:10 Referans Kwoze

1 योहान 4:8

जू मोंग नि कोरतेलु, चू परमेश्वर काजे नि उवेखतलु काहाकि परमेश्वर मोंग छे.

3 योहान 1:11

हे मोंगावा, बुराई नि बाकीन भोलाईन कोरण्या सारका रोयू जू वारलो कोरतेलू छे, चू परमेश्वर जुव गोथू छे, बाकीन जू बुरो कोरतेलु छे, चू परमेश्वर काजे नि देख्यू.

1 योहान 4:21

तिना जुव गोथी आमुक जी आग्या जोडी, ती जो कुदू परमेश्वर पोर मोंग कोरतेलू चू आपना भाशो पोर बी मोंग कोरे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

मत्ती 13:38

खेत जोग छे, वारलो बीज राज्योन पुऱ्या, एने जंगली बीज भुतडान छे.

योहान 8:47

जो परमेश्वर भूनी रोयतलो, चो परमेश्वरोन वाते सोमवतलू; एने तुमु इनान कोरीन नि सोमवतला कि परमेश्वर भूनी गोथो नि होय.”

लुका 6:35

बाकीन तुमरा दुष्मोन पोर मोंग कोरु, एने वारलो कोरु, एने ओवी पोछो जोळनेन आस नि राखीन उदार आपु; एने तुमरेन कोरता मोटलो फोव रोयसे, एने तुमु परमप्रधानोन पुऱ्या रोयसू, काहाकि चू तिंदरे पोर जु धन्यवाद नी कोरतेला एने बुरो कोरणे वावा पोर बी दयावू छे.

1 योहान 4:6

आमु परमेश्वरोन छे, यु परमेश्वर काजे उवेखतलू चू आमरी सोमवतलु छे; जू परमेश्वर काजे नि उवखे चू आमरेसी नी सोमजतलु इना रितीसी खोरली आत्मा एने भ्रमणोन आत्मा काजे उवखी लेतला छे.

इफिसीयो 5:1

इनान कोरता मोंगावा पुऱ्यान तोसा परमेश्वरोन अनुकरण कोरु.

1 योहान 5:2

जेतार आमु परमेश्वर पोर मोंग कोरतेला छे एने तेरी आग्या काजे पावतेला छे, ती तीना जुव गोथो आमु जानतला छे कि आमु परमेश्वरोन पुऱ्या पोर मोंग कोरतेला.

1 योहान 2:29

जोर तुमु जानता होसे कि होया धोरमी छे, ती यो बी जानता होसे कि जू कुदू धोरमोन काम कोरतेलु छे चू हीनासी पोयदा होयलू छे.

प्रेषित 13:10

“हे आखा कपटी दोगावा एने आखा लुचळा मायला भोरायलु भुतडान पुऱ्या आखा धोरमीन दुष्मोन तू परमेश्वरोन सुदली वाटोक वाको कोरने नि छुळे काय?”

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

योहान 11:52

एने नि निसतू तीना जातीन कोरता बाकीन इनान कोरता कि परमेश्वरोन वेरायला पुऱ्या काजे एखठा कोरे.

रोमी 13:8

आपोसमा मोंग काजे छुळीन ओवी कानली वातोमा कुदान कोरजदार मा रोयू; काहाकि जू दिसरा पोर मोंग कोरतेलू, चू नियम शास्त्र काजे पुरो पावलु छे.

कुलुस्सि 3:14

इना आखान उपोर मोंगोक जू पुरा बंधन छे, बांध देवू.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

1 योहान 3:1

देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.