1 योहान 3:1 - बारेली पावरी

¹ देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

1 योहान 3:1 Referans Kwoze

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

2 कुरीन्थियो 6:18

एने मे तुमरू बास होयीस, एने तुमु मारा पुऱ्या एने पुरायटा होयसू यो आखा गोथू ताकत वावू प्रभू परमेश्वरोन वचन छे.”

योहान 17:25

हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

प्रकाशित वाक्य 21:7

जू जय हासील कोरलु चू इना चीजोन वारीस होयसे, एने मे तेरु परमेश्वर होयीस एने चू मारू पुऱ्यु होयसे.”

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

गलातियों 3:29

एने ओगर तुमु मसिहन होय ती अब्राहामन पीढीन एने वायदान अनसारे वारीस बी छे.

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

कुलुस्सि 3:3

काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.

रोमी 8:21

जोग खुद नाशोन बंधनमा गुलामोमा गोथो छुटकारू लीन परमेश्वरोन पुऱ्यान महिमान स्वतंत्रता हासील कोरसे.

लुका 20:36

चे ओवतेन मोरे बि नी; काहाकि चे सोरगो दूतो सारखा रोयसे, एने पोछा जीव उठनेन कायमोन होयनेसी परमेश्वरोन बी पुऱ्या होयसे.

योहान 11:52

एने नि निसतू तीना जातीन कोरता बाकीन इनान कोरता कि परमेश्वरोन वेरायला पुऱ्या काजे एखठा कोरे.

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

रोमी 8:19

काहाकि जोग घोनी आसोसी परमेश्वरोन पुऱ्यान प्रगट होयनेन वाट जुव रोयो.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

1 योहान 3:10

इनामा परमेश्वरोन पुऱ्या एने भुतडान पुऱ्या उवखाय जातला छे; जो कुदू धर्मान काम नी कोरलु चू परमेश्वरसी नी होय, एने नि चू जू आपना भाशो पोर मोंग नी कोरतेलु.

1 योहान 4:17

इनासी मोंग आमरेमा सिद्ध होये, कि आमुक नियावोन दाहळे हिंमत होय; काहाकि जोसू चू छे तोसोच जोगोमा आमु भी छे.